Tarazda UQK podpolkovniginiń ólimine qatysty oqiǵanyń mán-jaiy belgili boldy. Bul týraly Ulttyq qaýipsizdik komiteti habarlady, - dep habarlaidy Tengrinews.kz tilshisi.
"Ǵimaratty qorǵaý kezinde jeke quramnyń ómiri men densaýlyǵyna, kúzetiletin nysan qaýipsizdigin, sondai-aq atys qarýy bólimin basyp alý qaýpin eskere otyryp, shabýyldaýshylarǵa jaýap retinde oq atyldy", - dedi UQK baspasóz qyzmeti ókili.
Shekara qyzmeti departamentiniń arnaiy jasaq tobymen birlese otyryp, 3 qarýly shabýylǵa toitarys berilgen.
"Jambyl oblysy UQKD Terrorizmge qarsy ortalyǵynyń bólim bastyǵy podpolkovnik Dastan Ádilbai oq jaraqatynan qaza tapty", - dedi vedomstvo ókili.
Jambyl oblysy boiynsha qurylǵan vedomstvoaralyq jedel-tergeý tobynyń aiasynda 30 tulǵaǵa qatysty qylmystyq is tergelip jatyr.
Eske salaiyq, 6 qańtarǵa qaraǵan túni Tarazda 350-ge jýyq adamnan turatyn top UQK-nyń Jambyl oblysy boiynsha departamentin basyp almaq bolǵany habarlanǵan edi.
Buǵan deiin Prezident Qasym-Jomart Toqaev áskeri jáne qyzmettik boryshyn óteý kezinde kórsetken erligi men janqiiarlyǵy, sondai-aq memleket múddesin qorǵaýda sińirgen eńbegi úshin Dastan Ádilbaidy II dárejeli "Aibyn" ordenimen marapattaýdy tapsyrǵan bolatyn.
