Foto: ashyq derekkóz
Jambyl oblysyndaǵy «Túzetý mekemesi janyndaǵy №15 kolledj» basshylyǵy úsh jyl boiy is júzinde oqýǵa qatyspaǵan sottalǵandar úshin zańsyz qarjylandyrý alyp kelgen, dep habarlaidy Ult.kz.
Prokýratýra málimetinshe, kolledjge tehnikalyq jáne kásiptik bilim mamandaryn daiarlaýǵa bólingen 25,5 mln teńge zańsyz iemdenilgen.
2025 jylǵy 5 aqpanda Qylmystyq kodekstiń 189-baby 4-bóliginiń 2-tarmaǵy (senip tapsyrylǵan bóten múlikti iemdenip alý nemese talan-tarajǵa salý) boiynsha sotqa deiingi tergeý bastaldy. Tergeýdi Jambyl oblysy boiynsha Ekonomikalyq tergep-tekserý departamenti júrgizýde.
Qazir tergeý jalǵasýda. Tergeý múddesi úshin ózge aqparat jariialanbaidy.
