Foto: ©Mash Telegram-arnasy
Politsiia departamenti Tarazdaǵy jappai tártipsizdik kezinde reseilik qyzdyń ólimine qatysty túsinik berdi, - dep habarlaidyt Tengrinews.kz tilshisi.
"1995 jyly týǵan M.Kim shynymen, Resei azamaty bolǵan, Qazaqstan aýmaǵynda yqtiiarhatpen turǵan. Ol tártipsizdikter kezinde qarýly adamdar atys bastaǵanda oq jaraqatynan qaitys boldy", - dep habarlady departamenttiń baspasóz qyzmetindegiler.
Atalǵan derek boiynsha sotaldy tergeý júrgizilip, qajetti saraptamalar taǵaiyndaldy.
Buǵan deiin Mash Telegram-arnasy qyzǵa jeti ret pyshaq suǵylǵany, sodan keiin oq atylǵanyn habarlaǵan edi.
"Jariialanymdarda kórsetilgen pyshaq jaraqattary týraly aqparat shyndyqqa janaspaidy", - dep sendirdi departament ókilderi.
Telegram-arnadaǵy aqparat boiynsha, qyz kafede jumys istegen, ol jumystan shyqqan kezde qylmys jasalǵan. Oqiǵanyń jariialanǵan nusqasyna sáikes, qalada tártipsizdikter bastalǵanda qyzmetkerler kafe iesinen olarǵa kólik jiberýin suraidy, biraq ol bas tartqan. Qyz mekemeni ózi jabýǵa májbúr bolady, sol kezde oǵan qaraqshylar shabýyl jasaidy. Alaida mekeme ókilderi keshke, qaiǵyly jaǵdai bolǵan ýaqytta, qyzmetkerlerdi úilerine kólikpen jetkizgenin málimdep otyr.
Myna videoda qyzdyń mekemeden shyǵyp, jolǵa qarai ketip bara jatqanyn kórýge bolady.
Resei elshiligi Qazaqstannyń quqyq qorǵaý organdaryna qylmysty muqiiat jáne jan-jaqty tergeý qajet ekeni týraly suraý jibergenin habarlady.
