Foto: Videodan skrin
Tarazda kóshelerdiń birine Qazaqstan Respýblikasynyń Memlekettik Týynyń avtory Sháken Niiazbekovtiń esimi berildi. Sýretshi el tarihyna ólsheýsiz úles qosqan tulǵa Bul týraly KTK telearnasy habarlady.
Tarihi tulǵanyń atyn kóshege berý máselesin qoǵam belsendileri birneshe jyl boiy kóterip, tabandylyqpen talap etti. Bul ońai sheshim bolmaǵanymen, atqarylǵan eńbek óz nátijesin berdi.
Endi qalanyń bir bóligi resmi túrde Qazaqstannyń Memlekettik Týynyń avtorynyń atymen atalady. Táýelsizdik jyldary usynylǵan 1200-den astam nusqanyń ishinen Sháken Niiazbekov ázirlegen tý úlgisi úzdik dep tanylyp, búginde 33 jyl boiy paidalanylyp keledi.
Sondai-aq taiaýda Sháken Niiazbekovtiń esimi qaladaǵy mektep-gimnaziiaǵa da resmi túrde berilmek. Qazirdiń ózinde atalǵan bilim ordasynyń eń kórnekti ári qurmetti tusyna sýretshiniń biýsti ornatylǵan.
Májilis depýtaty Gúldara Nurymovanyń aitýynsha, bul bastamanyń tárbielik máni zor.
"Bul biýstiń dál osy mektepte ashylýy simvoldyq mánge ie. Sebebi dál osy jerde ósip kele jatqan jas urpaq patriottyq tárbie alyp, jerlesimizdi árdaiym qurmetpen eske alady", – dedi depýtat.
