Jambyl oblysynda 30-dan astam sheteldik azamat QR aýmaǵynda bolý erejelerin buzǵan, - dep habarlaidy "Ult aqparat".
Jambyl oblysynyń Politsiia departamenti bastyǵynyń buiryǵymen Taraz qalasynyń Politsiia basqarmasy kóshi-qon qyzmeti bóliminiń qyzmetkerleri «Migrant» jedel aldyn alý is-sharasyn ótkizdi.
Jedel aldyn alý is-sharasy zańsyz kóshi-qon arnalarynyń jolyn kesý, zańsyz eńbek qyzmetimen ainalysatyn sheteldikterdi anyqtaý, shekarany zańsyz kesip ótý jáne sheteldik kúshterdi paidalaný erejelerin birneshe ret buzý derekterin jáne olardy uiymdastyrýshylardy anyqtaý maqsatyna negizdeldi.
«Shara barysynda Taraz qalasy Shalǵai Qarasý massivinde oblys aýmaǵynda zańsyz jumys istegen Ózbekstan Respýblikasynyń 32 azamaty anyqtaldy. Olar osy aýdanda ǵimarat salý jumystarymen ainalysqan. Atalǵan derekke qatysty Qazaqstan Respýblikasy Ákimshilik quqyq buzýshylyq týraly kodeksiniń 517-baby 5-bóligi boiynsha ákimshilik hattama toltyrylyp, ákimshilik is sotqa jiberildi. Sot sheshimimen Ózbekstan azamattary Qazaqstannan shyǵaryldy», - deidi Taraz qalasynyń Politsiia basqarmasy kóshi-qon qyzmeti bóliminiń bastyǵy Sovet Kenjebaev.
