Tarazda vokzal basshysy óz orynbasarymen tóbelesken. Oqiǵa temirjol vokzalynyń beinebaqylaý kamerasyna túsirilgen, - dep habarlaidy Tengrinews.kz tilshisi.
"Qazaqstan temir joly" Ulttyq kompaniiasy AQ ókilderi oqiǵaǵa qatysty pikir bildirdi.
QTJ ókilderiniń málimetinshe, video kadrlarynda vokzaldyń Jambyl ýchaskesiniń basshysy Talǵat Tólebekov pen onyń orynbasary tóbeleskenin baiqaýǵa bolady.
"Bul derek ǵimaratta ornatylǵan beinebaqylaý kamerasyna tirkeldi, Jelilik IIB qyzmetkerleri akt toltyryp, material Taraz qalalyq mamandandyrylǵan Ákimshilik sotyna joldandy", - delingen QTJ habarlamasynda.
Sonymen qatar, Ákimshilik sottyń qaýlysymen Tólebekovtiń Ákimshilik quqyq buzýshylyq týraly kodeksiniń 73-2-babynyń 1-bóligi boiynsha aiypty dep tanylyp, 24 050 teńge kóleminde aiyppul arqalaǵany aitylady.
Keiin kompaniia qyzmettik tekseris júrgizip, vokzal basshysymen eńbek kelisimshartyn úzý týraly sheshim qabyldanǵan
