© Photo : CC0 / Miroslavik
Taraz qalasynda úsh jasar balanyń asqazanynan 4 ine shyqty. Dárigerler ony rentgen kezinde baiqady, dep habarlaidy Sputnik Qazaqstan Jambyl oblystyq densaýlyq saqtaý basqarmasyna silteme jasap.
Oblystyq balalar aýrýhanasyna kelgen áiel balasynyń sydyrma júgirtpesin jutyp qoiǵanyn aitqan. Úsh jasar balany birden rentgenge aparǵan. Sol kezde dárigerler asqazanda sydyrma júgirtpesinen bólek eki ineni baiqaidy. Sodan balanyń ishinen endoskopiialyq qurylǵy arqyly bir ineni alyp shyqty. Al sydyrmanyń júgirtpesi tabylmady. Artynan ol tabiǵi jolmen ózdiginen shyqty. Biraq balany hirýrgiialyq bólimnen shyǵarmaǵan. Óitkeni ekinshi ine qalyp qoiǵan.
© Photo : Jambyl oblystyq densaýlyq saqtaý basqarmasy
Al sońǵy R–grammada asqazanda taǵy eki ine anyqtaldy. Jambas jaǵynda bir ine turdy.
"Endoskopiialyq qurylǵymen asqazannan bir ine shyǵaryldy. Odan keiin kolonoskopiiamen ishekten taǵy bir ineni alyp shyqtyq", - deidi hirýrg Seiidahmet Baidollauly.
Dárigerler balany taǵy birshama ýaqyt baqylady. Sosyn taǵy kolonoskopiia jasalyp, sigma tárizdes ishekten qadalyp turǵan ine shyǵaryldy. Ota jasalǵan joq.
Mamandardyń aitýynsha, tórt ine balanyń asqazan-ishek joldarynda 8 kún boiy qozǵalyp júrgen.
"Balany eshqashan qaraýsyz qaldyrmaý qajet. Kishkentai sharlar men tiyndarmen oinaýǵa bolmaidy. Oiynshyq usaq bólsheksiz jáne balanyń jasyna sai bolýy kerek", - deidi tájiribeli maman Máýlim Qaziuly.
