Foto: TJM
Tarazda kópqabatty turǵyn úiden órt shyǵyp, 32 adam evakýatsiialandy, dep habarlaidy TJM baspasóz qyzmeti.
"27 jeltoqsan saǵat 01:24-te Taraz qalasynyń kezekshi pýltine Saǵyndyqov kóshesindegi 5 qabatty turǵyn úidiń 2-qabatyndaǵy páterde órt shyqqandyǵy týraly habarlama kelip tústi. Órt sóndirýshiler dereý órt ornyna bardy.
Saǵat 01:49-da órt tolyǵymen joiyldy. TJD kúshimen 32 adam, onyń ishinde 6 bala evakýatsiialandy. Órtti sóndirýge 14 adam jáne 3 tehnika quramynda TJD kúshteri men quraldary jumyldyryldy" - delingen habarlamada.
Kúiikpen 1930 jyly týǵan áiel aýrýhanaǵa jatqyzylǵan (15% 1-2 dárejeli dene kúiigi, ortasha aýyrlyq dárejesi).
Órttiń aldyn ala sebebi - otty abaisyz paidalaný.
TJM turmystyq órt qaýipsizdigi erejelerin qatań saqtaýǵa shaqyrdy.
