Sýret: ratel.kz
Tarazda turǵyn úi komissiiasy 2-toptaǵy múgedek qyzdy baspanasynan zańsyz aiyrǵan, dep habarlaidy Jambyl oblysy prokýratýrasynyń baspasóz qyzmeti.
29 jastaǵy Ótegenova esimdi azamat 2-toptaǵy múgedek. Óz áreketi úshin jaýap bere almaityn qyz balalar úiinde tárbielengen. Qamqorshysy da joq.
Ol depozitte jinaǵan 1 mln teńgesine 2013 jyly jataqhanadan bólme satyp alady. Alaida Ótegenovany satýshy aldap, esigi joq, kógergen ári jóndeý kórmegen páterdi satyp jibergen. Amaly qalmaǵan qyz tanystarynyń úiin jaǵalap, solardyń kómegimen 6 jyl degende jaramsyz bólmeni áreń satqan.
"Sol jyly Ótegenova jetim retinde kezek tártibimen memleketten "Báiterek" shaǵyn aýdanynan 1 bólmeli jańa páter alǵan. Alaida onyń jataqhanada 1 bólmeli páteri bar dep, turǵyn úi komissiiasy jańa qurylystan páter berý týraly sheshimdi joiǵan, ony kóshirý týraly atqarýshylyq is júrgizgen", - dep málimdedi prokýratýra.
Al Ótegenova aýrýyna bailanysty quzyretti organdarǵa óz betinshe júgine almaǵan.
Onyń aýyr jaǵdaiy týraly prokýratýra óndiristerdi taldaý barysynda bilgen. Prokýratýra organdary dereý qadaǵalaý aktilerin engizip, Ótegenovanyń turǵyn úi alýǵa konstitýtsiialyq quqyqtaryn qalpyna keltirýge kirisken.
"Taraz qalalyq sotynyń 28.01.2022 jylǵy sheshimimen qyz aýrýyna bailanysty áreketke qabiletsiz dep tanyldy jáne Taraz qalasy ákimdiginiń 28.03.2022 jylǵy qaýlysymen oǵan qamqorshy taǵaiyndaldy. Jataqhanadaǵy bólmeni satyp alý-satý mámilelerin jasaý kezeńinde ol óziniń is-áreketteriniń mańyzdylyǵyn jáne olardyń saldaryn túsine almaǵandyǵyn eskere otyryp, sotqa olardy jaramsyz dep taný týraly talap aryz berildi", - deidi vedomstvo.
Nátijesinde múmkindigi shekteýli qyz jańa páterine qaita oraldy.
