Taraz qalasynda «Alataý» 8-shi yqshamaýdandaǵy kóp qabatty turǵyn úidiń kireberisi karantinge jabyldy, - dep habarlaidy qalalyq ákimdikktiń baspasóz qyzmeti.
Buǵan deiin osy turǵyn úi podeziniń turǵyny – 50 jastaǵy áieldiń koronavirýs infektsiiasyn juqtyrǵany anyqtalǵan bolatyn. Indetke qalai shaldyqqany ázirge belgisiz. Sol sebepti onda turatyn 34 adamdy birneshe kúnge oqshaýlaý týraly sheshim qabyldandy. Olardyń úiden shyǵýyna esh ruqsat joq.
Karantindegi turǵyn úi turǵyndaryn qajetti azyq-túlikpen qamtamasyz etýdi qalalyq ákimdik moinyna alyp otyr. Zararsyzdandyrý jumystary júrgizilgen podezdiń aldynda politsiia qyzmetkerleri kezekshilik etýde.
Esterińizge sala keteiik, buǵan deiin qaladaǵy «Qarasý», «Asa» shaǵyn aýdandaryndaǵy eki kireberis pen Qordai aýdanyndaǵy Áljan Ana aýyly karantinge jabylǵan edi. Turǵyndarǵa azyq-túlik jetkizý jumystaryna eriktiler de kómektesip jatyr.
