Foto: Polisia.kz
Tarazda stýdentterden para alǵan joǵary oqý ornynyń oqytýshysy ustaldy, - dep habarlaidy "Ult aqparat" Polisia.kz portalyna silteme jasap.
20 qańtarda Jambyl oblysy Politsiia departamentiniń uiymdasqan qylmysqa qarsy kúres basqarmasy qyzmetkerleri júrgizgen arnaiy jedel-izdestirý sharalary barysynda qaladaǵy joǵary oqý ornynyń birinen 46 jastaǵy oqytýshy kabinetinde stýdentten 200 myń teńge kóleminde para alý kezinde ustalǵan.
Politsiia qyzmetkerleri aǵa oqytýshynyń buǵan deiin 4-kýrs stýdentterinen úsh ailyq tájiribelik sabaqtardan jáne emtihannan ótkizip beremin dep árqaisysynan 50 myń teńge kóleminde aqsha talap etkenin anyqtady.
"Ustalǵan er adam kinásin tolyq moiyndady. Oǵan qatysty qolhatpen bosatý týraly bultartpaý sharasy qoldanyldy.
Bul derekke qatysty QR Qylmystyq kodekstiń 190-baby 3-bóligi 3-tarmaǵy (Eki nemese odan da kóp adamǵa qatysty jasalǵan alaiaqtyq) boiynsha sotaldy tergeý amaldary bastaldy" - delingen habarlamada.
Atalǵan bapqa sáikes, osyndai qylmys jasaǵany úshin múlki tárkilenip, úsh jyldan jeti jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrý, belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyra otyryp, jymqyrylǵan múliktiń on eselengennen jiyrma eselengenge deiingi mólsherinde aiyppul salý, ne úsh jyldan jeti jylǵa deiingi merzimge bas bostandyǵynan aiyrý jazasy kózdelgen.
