Sýret ashyq derekkózden alyndy
Testilik synaqtardan keiin Tarazda «Sergek» kameralary iske qosyldy. Bul týraly Ishki ister ministrliginiń brifinginde belgili boldy, dep habarlaidy QazAqparat.
«16 qańtardan bastap 48 apparattyq-baǵdarlamalyq keshen qalanyń jol qaýipsizdigin qamtamasyz etedi. Onyń 35-i jelilik ýchaskelerde jáne 13-i qiylystarda ornalasqan. Júie jyldamdyq rejiminen asyp ketý, baǵdarshamnyń tyiym salý signalyna ótýin jáne jol tańbalaý jelileriniń buzylýyn tirkeidi. Tirkeý avtomatty rejimde júredi jáne politsiia qyzmetkeri teksergennen keiin quqyq buzýshyǵa jiberiledi», - dep atap ótti ministrlikten.
Vedomstvo dereginshe, kólik júrgizýshileri hattamany «erap-public.kgp.kz» jáne «egov.kz» saittarynan nemese «Kaspi» mobildi qosymshasyndaǵy «Memlekettik qyzmetter» bóliminen kóre alady. Eger azamat quqyq buzýshylyqtarmen kelispegen jaǵdaida, nusqamada kórsetilgen telefon nómirine qońyraý shalýy qajet.
