Tarazda aǵa prokýror Sergei Nalygachev qaitys boldy. Boljam boiynsha, ol jergilikti «Ý Mameda» dámhanasynda shelpekke túiilip qalyp, artynsha tunshyǵyp ólgen, dep habarlaidy CMN.KZ.
Qaiǵyly oqiǵa 2024 jylǵy 30 maýsymda bolǵan. Prokýror qaitys bolǵan dámhananyń ákimshisi oqiǵanyń mán-jaiyn aityp berdi.
«Nalygachev kafege dosymen birge keldi. Olar tapsyrys bergen. Daiashy aldymen tek shelpek ákelip úlgergen. Marqumnyń dosy onyń tunshyǵyp ólgenin aitty. Al jedel járdem dárigerleri kelgende er adamnyń kim ekenin anyqtap, bir-eki kún buryn insýltpen aýrýhanaǵa jatyp, shyqqanyn aitty. Em almai, aýrýhanadan shyǵyp ketkeni aityldy», — deidi dámhana ákimshileriniń biri.
Sondai-aq ákimshi prokýrorǵa dosy alǵashqy meditsinalyq kómek kórsete almaǵandyqtan, óldi degen boljam aitty. 15 minýttan keiin jetken jedel járdem qyzmetkerleri marqumnyń óli ekenin rastaǵan.
Jambyl oblysy prokýratýrasy baspasóz qyzmetiniń málimetinshe, Sergei Nalygachev 20 jyldan astam prokýratýrada túrli laýazymdarda qyzmet etken. Ol naǵyz óz isiniń mamany bolǵan. Óte meiirban, janashyr jaqsy adam bolǵan.
«Ol ujym arasynda úlken qurmetke ie boldy», — dedi qyzmetkerler.
Jambyl oblysynyń prokýratýrasy otbasy men jaqyndaryna kóńil aityp, marqum prokýrordyń otbasyna moraldy jáne materialdy qoldaý kórsetýge ýáde berdi.
