Tarazda Premer-Ministr Asqar Mamin mingen tikushaq shuǵyl túrde jerge qondy. Onyń sebepteri týraly «Qazaviaspas» AQ qoǵammen bailanys bólimi málim etti, dep habarlaidy QazAqparat.
«Jambyl oblysynda 12 maýsym kúni bortynda premer-ministr Asqar Mamin bolǵan tikushaq áýeden sholý jasaǵan. Ushý kezinde ushqysh gidravlikalyq júieniń isten shyqqanyn baiqaǵan. Osydan keiin qosalqy gidravlikalyq júie qosylǵan. Ushý nusqaýlyǵyna sáikes tikushaq Tarazǵa qonýǵa májbúr boldy», - dep habarlady «Qazaviaspas» AQ qoǵammen bailanys bóliminiń mamany Anar Hamitova.
Onyń aitýynsha, qazirgi ýaqytta azamattyq aviatsiia salasynda Indýstriia jáne infraqurylymdyq damý ministrligi arnaiy komissiia qurǵan. Atalǵan jaǵdaidyń resmi sebebi keiinirek jariialanady.
