Foto: beton studio / Shutterstock / Fotodom
Taraz qalasynda jol-kólik oqiǵasy saldarynan jasóspirim qaza tapty. Taǵy eki adam túrli jaraqatpen aýrýhanaǵa jetkizilgen, dep habarlaidy Ult.kz.
«Astana» arnasynyń málimetinshe, oqiǵa túngi ýaqytta bolǵan. Politsiia qyzmetkerleri jol erejesin óreskel buzǵan Audi kóligin toqtatýǵa áreket jasaǵan. Alaida júrgizýshi talapqa baǵynbai, qashyp ketýge tyrysqan.
Keiin kólik baǵanǵa soǵylyp, saldarynan bir jolaýshy oqiǵa ornynda kóz jumǵan.
Quqyq qorǵaý organdary atalǵan derek boiynsha qylmystyq is qozǵady. Jasóspirimniń ata-anasy da jaýapqa tartylatyny aityldy.
Jaraqat alǵan eki jasóspirim dárigerlerdiń baqylaýynda. Oblystyq kópbeiindi balalar aýrýhanasynyń málimetinshe, olardyń biri jeńil jaraqat alyp, ambýlatorlyq baqylaýǵa jiberilgen. Ekinshisine ota jasalyp, jaǵdaiy turaqty dep baǵalanýda.
