Tarazdyq politsei biik munaraly kranǵa shyǵyp, sekirmek bolǵan áieldi qutqaryp qaldy, dep habarlaidy QazAqparat.
Taraz qalasynyń Politsiia basqarmasy Jedel basqarý ortalyǵynyń kezekshi bólimine «102» telefonyna habarlama túsip, qońyraý shalýshy oblys ortalyǵyndaǵy 15 shaǵyn aýdannyń aýmaǵynda belgisiz áiel biik qurylys kranynan sekirmek bolyp jatqanyn aitqan.
PD baspasóz qyzmetiniń habarlaýynsha, oqiǵa ornyna dereý attanǵan patrýldik ekipaj qurylys kranynyń eń biik jerinde otyrǵan áieldi kóredi. Politsiia qyzmetkerleriniń biri oilanbastan kranǵa tez kóterilip, áieldi ómirine qaýip tóndiretin áreketti jasamaýǵa shaqyrǵan. Uzaq júrgizilgen sóilesýden keiin, politsei ony kóndirip, tómen túsýine kómektesken. Tártip saqshylary áieldiń mas kúide bolǵandyǵyn anyqtady. Politseiler ony kórsetilgen mekenjai boiynsha úiine aparyp, profilaktikalyq túsindirý jumystaryn ótkizdi.
