Tarazda buǵan deiin koronavirýs infektsiiasy anyqtalǵan 86 jastaǵy áiel turǵan «Qarasý alqaby» shaǵyn aýdanyndaǵy kóppáterli turǵyn úidiń kireberisi karantinge jabyldy. Qazir naýqas infektsiialyq statsionarda em alýda, - dep habarlaidy oblys ákimdiginiń baspasóz qyzmeti.
Epidemiologiialyq tekserý barysynda onyń 17 naýryzda Almatydan kelgen jaqyn týysymen bailanysta bolǵany anyqtaldy. Bailanysta bolǵan barlyǵy 5 adam anyqtalyp, karantinge ornalastyryldy.
Podez ben páterde dezinfektsiialaý júrgizildi. Osy podezdegi 27 turǵyny 14 kúnge oqshaýlanyp, páterinen shyǵýǵa tyiym salyndy. Olarmen tiisti mamandar áńgimelesip, ózin-ózi oqshaýlaýdyń mańyzyn túsindirdi. Podezde politsiia qyzmetkerleri kezekshilik etýde.
Turǵyndardy Taraz qalasynyń ákimdigi qajetti azyq-túlikpen qamtamasyz etedi.
Jalpy óńirde 45 koronavirýs oqiǵasy tirkelgen. Onyń ishinde 11 adam shekaralyq ótkizý beketinen ótkende anyqtalǵan. Al 6 adam Deliden kelgen. Taraz qalasynda 5 oqiǵa, Qordai aýdanynda – 18, Merki aýdanynda – 2, Shý, Moiynqum jáne Jambyl aýdanynda – bir-bireýden tirkelgen.
