Illiýstratsiialyq foto: pixabay
Tarazdaǵy perzenthanada salmaǵy 5 keli, boiy 62 santimetr qyz bala dúniege keldi. Bul týraly Jambyl oblysy Densaýlyq saqtaý basqarmasynyń ókilderi málimdedi, - dep habarlaidy Tengrinews.kz.
19 sáýirde saǵat 09:45-te Jambyl oblystyq kópbeiindi aýrýhanasynyń perinataldyq ortalyǵynyń qabyldaý bólimine tolǵaǵy qysqan júkti áiel túsken. Dárigerlerdiń qarap-tekserýinen keiin birden konsiliým uiymdastyrylyp, onda bosandyrý ádisi týraly másele sheshilgen.
"Sharana anasynyń qursaǵyna basymen emes, jambas ushymen, iaǵni bókselermen kelgen jáne basqa da zertteýlerge qaraǵanda náresteniń salmaǵy ádettegiden úlken kórinip turdy. Mamandardyń aitýynsha, keide anasynyń qursaǵyna jambaspen kelgen úlken salmaqty balalar tabiǵi jolmen týady jáne bári jaqsy bolady. Biraq bul jaǵdaida qiyndyq týdyrǵany - uryqtyń úlken salmaǵy men ananyń metabolikalyq sindromy. Ana men bala amandyǵyn qamtamasyz etý úshin dárigerler shuǵyl túrde kesar tiligi arqyly bosandyrý týraly sheshim shyǵardy", - dedi basqarma ókilderi.
