Búgin Taraz qalasy «Báiterek» móltek aýdanynda 60 páterli arendalyq-kommýnaldyq turǵyn úi paidalanýǵa berildi.
Páter kiltine ie bolǵandar negizinen turǵyn úi kezeginde turǵan áleýmettik osal top ókilderi. Turǵyn úi 2018 jyly «Nurly jer» baǵdarlamasy aiasynda salynǵan. Qurylysyn merdiger «Binom» JShS-gi júrgizgen. Nysanda 3-bólmeli - 30, 2-bólmeli - 15, 1 bólmeli – 15 páter bar. Ondaǵy 3 bólmeli páterdiń aýdany -71, 2 bólmeli - 58, 1 bólmeli - 40 sharshy metrdi quraidy.Búgin páter alǵandar qatarynda 12 jetim bala, 31 áleýmettik jaǵynan qorǵalǵan, 17 memlekettik jáne biýdjettik uiym qyzmetkeri bar.
Aita keteiik, paidalanýǵa berilip otyrǵan kópqabatty turǵyn úi áleýmettik jaǵynan qorǵalatyn toptardyń azamattaryna jekeshelendirý quqyǵynsyz beriledi. Arendalyq ailyq tólem kórsetkishi – 5500-6000 teńgeni quraidy.
Eske salsaq, Jambyl oblysy boiynsha 2019 jylǵa bekitilgen turǵyn úi qurylysynyń jospary - 465,4 myń sharshy metrdi quraidy. (Onyń ishinde: kóppáterli turǵyn úiler – 140 241 sharshy metr, jeke turǵyn úiler – 325 153 sharshy metr.)
«Nurly jer» baǵdarlamasy aiasynda turǵyn úiler men injenerlik infraqurylymmen qamtamasyz etý nysandaryna barlyǵy 16,7 millirad teńge qaraldy. Bul qarjy esebinen 30 kóppáterli turǵyn úidiń qurylysy men 14 injenerlik infraqurylym jobalaryn iske asyrý josparlanǵan.
Atap aitar bolsaq, 2019 jyly 27 kóppáterli turǵyn úi tapsyrylýy tiis bolsa, 3-eýi 2020 jylǵa ótpeli. Jalpy, ústimizdegi jyly biýdjet esebinen 2175 adamdy pátermen qamtý kózdelgen. (Onyń ishinde: kredittik 1460 páterli 21 úi, arendalyq 526 páterli 7 úi jáne 187 páter kezektegi kópbalaly otbasylaryna satyp alý josparlanǵan).
Sonymen qatar, 1704 gektar turǵyn úi alqaby (8272 ýchastok) injenerlik–kommýnikatsiialyq infraqurylymmen qamtylatyn bolady.
