Tarazda 1,7 million teńge aiyppuly bar kólik júrgizýshisi anyqtaldy, – dep habarlaidy Polisia.kz.
Oblys ortalyǵynyń aýmaǵyn patrýldeý kezinde politsiia qyzmetkerleri “Qorǵaý” júiesiniń kómegimen Jambyl oblysynda baǵyttama boiynsha izdeýdegi kók tústi Hyundai Elantra avtokóligin anyqtady.
Atalmysh kólik quralynyń júrgizýshisi jol erejesin qasaqana buzýshy bolyp tabylady jáne aiyppuldary boiynsha úlken bereshegi bar.
Bul avtokólikke 55 ret jol qozǵalysy erejesin buzǵany úshin 1 million 696 706 teńge kóleminde aiyppul salynǵan. Onyń basym bóligi jyldamdyq rejimin buzǵany úshin berilgen. Avtokólik arnaiy aiyp turaǵyna qoiyldy.
“Qorǵaý” mobildi qosymshasy jol qozǵalysyn avtomatty qadaǵalaý tiimdiligin arttyrý úshin engizildi. Onda Ishki ister ministrliginiń apparattyq-baǵdarlamalyq keshenderi, mobildi qosymshalary biriktirilgen, olardan málimetter politsiia qyzmetkerleriniń planshetterine túsedi.
Bul naqty ýaqyt rejiminde saqtandyrý polisinsiz paidalanylatyn jalǵan memlekettik tirkeý nómirleri bar, baǵyttama boiynsha izdestirilgender, sonyń ishinde aiyppul boiynsha bereshegi bar jol erejesin qasaqana buzýshylar jáne t.b. anyqtaýǵa múmkindik beredi.
