Foto: ashyq derekkóz
Taraz qalasyndaǵy 147 mektep muǵaliminiń konstitýtsiialyq quqyqtary prokýratýranyń aralasýymen qalpyna keltirildi, dep habarlaidy Ult.kz.
Tekserý barysynda bilim berý mekemelerinde eńbek zańnamasynyń buzylǵany anyqtalǵan. Atap aitqanda, muǵalimderge merekelik, demalys jáne túngi ýaqytta atqarǵan jumysy úshin tiisti ústemeaqylar tólenbegen. Sondai-aq ujymdyq shart talaptarynyń saqtalmaýy da tirkelgen.
Prokýratýra engizgen qadaǵalaý aktisi nátijesinde buzýshylyqtar joiylyp, ustazdarǵa tiesili qarajat tolyq kólemde tólendi. Bul olardyń tynyǵý jáne ádil eńbekaqy alý quqyǵyn qamtamasyz etti.
