QR Bilim jáne ǵylym ministrligi Tarazdaǵy qyz balaǵa azǵyndyq áreket oqiǵasyna qatysty pikir bildirdi, dep habarlaidy "Ult aqparat".
Bul jaiynda QR Bilim jáne ǵylym ministriniń keńesshisi Erbolat Muhamedjan Facebook-tegi paraqshasynda jazdy.
«Qazirgi tańda atalǵan fakt boiynsha quqyq qorǵaý organdary tergeý is-sharalaryn júrgizýde. Oqýshylardyń qaýipsizdigin qamtamasyz etý bilim berý uiymynyń tikelei mindeti bolyp tabylady. Mektep direktory, direktordyń tárbie isi jónindegi orynbasary, fizika páni muǵalimi jáne vahter bilim berý salasyndaǵy jergilikti ýákiletti organnyń sheshimi boiynsha qyzmetterinen bosatyldy», - dedi ol.
Onyń atap ótýinshe, Jambyl oblysynyń bilim basqarmasy zardap shekken oqýshyǵa psihologiialyq kómek kórsetý úshin qajetti sharalar qabyldap, úide jeke oqytýyn uiymdastyryp jatyr.
«Sonymen qatar, Memleket basshysy Qasym-Jomart Toqaevtyń 2019 jylǵy 2 qyrkúiektegi Qazaqstan halqyna Joldaýynda aitylǵan tapsyrmasyn oryndaý aiasynda Bas prokýratýra memlekettik organdarmen birlesip qoldanystaǵy zańnamaǵa áielder men balalarǵa qatysty zorlyq-zombylyq úshin jaýapkershilikti qatańdatý bóliginde ózgerister ázirlep, QR Parlamenti Májilisine engizgenin habarlaimyz», - dedi Erbolat Muhamedjan.
Buǵan deiin habarlaǵanymyzdai, Tarazdaǵy kámeletke tolmaǵan qyz balaǵa azǵyndyq áreket jasaǵan 38 jastaǵy kúdikti qolǵa túsip , sotqa deiingi tergep-tekserý amaldary bastalǵan bolatyn.
