قر بٸلٸم جەنە عىلىم مينيسترلٸگٸ تارازداعى قىز بالاعا ازعىندىق ەرەكەت وقيعاسىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
بۇل جايىندا قر بٸلٸم جەنە عىلىم مينيسترٸنٸڭ كەڭەسشٸسٸ ەربولات مۇحامەدجان Facebook-تەگٸ پاراقشاسىندا جازدى.
«قازٸرگٸ تاڭدا اتالعان فاكت بويىنشا قۇقىق قورعاۋ ورگاندارى تەرگەۋ ٸس-شارالارىن جٷرگٸزۋدە. وقۋشىلاردىڭ قاۋٸپسٸزدٸگٸن قامتاماسىز ەتۋ بٸلٸم بەرۋ ۇيىمىنىڭ تٸكەلەي مٸندەتٸ بولىپ تابىلادى. مەكتەپ ديرەكتورى, ديرەكتوردىڭ تەربيە ٸسٸ جٶنٸندەگٸ ورىنباسارى, فيزيكا پەنٸ مۇعالٸمٸ جەنە ۆاحتەر بٸلٸم بەرۋ سالاسىنداعى جەرگٸلٸكتٸ ۋەكٸلەتتٸ ورگاننىڭ شەشٸمٸ بويىنشا قىزمەتتەرٸنەن بوساتىلدى», - دەدٸ ول.
ونىڭ اتاپ ٶتۋٸنشە, جامبىل وبلىسىنىڭ بٸلٸم باسقارماسى زارداپ شەككەن وقۋشىعا پسيحولوگييالىق كٶمەك كٶرسەتۋ ٷشٸن قاجەتتٸ شارالار قابىلداپ, ٷيدە جەكە وقىتۋىن ۇيىمداستىرىپ جاتىر.
«سونىمەن قاتار, مەملەكەت باسشىسى قاسىم-جومارت توقاەۆتىڭ 2019 جىلعى 2 قىركٷيەكتەگٸ قازاقستان حالقىنا جولداۋىندا ايتىلعان تاپسىرماسىن ورىنداۋ اياسىندا باس پروكۋراتۋرا مەملەكەتتٸك ورگاندارمەن بٸرلەسٸپ قولدانىستاعى زاڭناماعا ەيەلدەر مەن بالالارعا قاتىستى زورلىق-زومبىلىق ٷشٸن جاۋاپكەرشٸلٸكتٸ قاتاڭداتۋ بٶلٸگٸندە ٶزگەرٸستەر ەزٸرلەپ, قر پارلامەنتٸ مەجٸلٸسٸنە ەنگٸزگەنٸن حابارلايمىز», - دەدٸ ەربولات مۇحامەدجان.
بۇعان دەيٸن حابارلاعانىمىزداي, تارازداعى كەمەلەتكە تولماعان قىز بالاعا ازعىندىق ەرەكەت جاساعان 38 جاستاعى كٷدٸكتٸ قولعا تٷسٸپ , سوتقا دەيٸنگٸ تەرگەپ-تەكسەرۋ امالدارى باستالعان بولاتىن.
