Búgin QR Prezidenti ákimshiligi men Taraz qalalyq máslihatynyń kelisimimen jáne Jambyl oblysy ákiminiń ókimimen Qarabalaev Aitqazy Dáýletqululy Taraz qalasynyń ákimi bolyp taǵaiyndaldy, dep habarlaidy «Ult aqparat».
Aimaq basshysy Asqar Myrzahmetov qala aktivine shahardyń jańa basshysyn tanystyryp, birqatar naqty tapsyrmalar júktedi. Óńir basshysy oblys ortalyǵy bolǵan soń qala ákimine júkteletin jaýapkershiliktiń salmaǵy da jeńil bolmaitynyn atap ótip, áleýmetti máselelerdi sheshýde, ekonomikany kóterýde tabandylyq pen júieli jumystyń kerektigin basa aitty.
Aita keteiik, Aitqazy Qarabalaev 1966 jyly týǵan, bilimi joǵary.
Eńbek jolyn 1989 jyly Almaty qalasyndaǵy №54 Turǵyn úi paidalaný basqarmasynyń injener-tehnigi bolyp bastaǵan. Ár jyldary «Hair Ihsan» qaiyrymdylyq qory direktorynyń orynbasary, «Tigro Haýd» saýda-óndiristik qaýymdastyǵy bóliminiń meńgerýshisi, direktor orynbasary, Taraz qalalyq saýda, shaǵyn jáne orta biznes basqarmasynyń bastyǵy, qala ákiminiń orynbasary, Jambyl oblystyq jergilikti biýdjetterge alymdar jáne jekelegen salyq tólemderin jinaý agenttiginiń direktory, oblys ákimdiginiń jumyspen qamtýdy úilestirý jáne áleýmettik baǵdarlamalar departamentiniń direktory, Jambyl oblysy ákimi apparaty jetekshisiniń orynbasary, Jýaly aýdanynyń ákimi, «Ońtústik» ÁKK» AQ UK» ókildiginiń Jambyl oblysyndaǵy direktory, Talas aýdanynyń ákimi, «QazTransGaz Aimaq» Jambyl oblystyq óndiristik filialy direktorynyń keńesshisi qyzmetterin atqarǵan. Al, 2019 jyldyń sáýirinen bastap «QazTransGaz Aimaq» Túrkistan oblystyq óndiristik filialynyń direktory laýazymynda qyzmet atqaryp keldi. Eske sala keteiik, buǵan deiin qala basshysy bolǵan Qairat Dosaev QR Prezidenti Qasym-Jomart Toqaevtyń tapsyrmasyna sáikes Tarazdaǵy mektepte bolǵan oqýshyny zorlaý oqiǵasyna bailanysty jáne ózine júktelgen mindetterdi tiisinshe oryndamaǵany úshin biyl 21 qarashada laýazymynan bosatylǵan bolatyn.
