Taraz qalasy mańynda qarý-jaraq qoimasy tabyldy, - dep habarlaidy Polisia.kz.
Qoima jappai tártipsizdik kezinde urlanǵan qarýlardyń ornalasqan jerin anyqtaý boiynsha birlesken jedel-izdestirý is-sharalaryn júrgizý barysynda tabylǵan. Politsiia departamenti Uiymdasqan qylmysqa qarsy kúres basqarmasy jáne Taraz Politsiia basqarmasy kriminaldyq politsiia bóliminiń qyzmetkerleri qala mańynan qarý-jaraq pen oq-dáriler salynǵan qapty anyqtaǵan.
"Tabylǵan qaptan eki Kalashnikov avtomaty, FBI8000 gaz tapanshasy, jaryq-shýyldy granata, avtomattyń oqjatarlary, pyshaqty myltyq, politsiia kaskasy, rezeńke taiaq jáne ártúrli kalibrli 200-ge jýyq patron alyndy. Derekke qatysty QR QK-tiń 287-baby 3-bóligi boiynsha sotaldy tergeý amaldary júrgizilip jatyr. Qarýlarǵa sot-ballistikalyq saraptama taǵaiyndaldy", - delingen habarlamada.
