Taraz qalasy ákimdigine qarasty mekeme 6 qyzmetkerge zańsyz jalaqy tólep kelgen. Qylmystyq is qozǵaldy, dep habarlaidy "Ult aqparat" QR Qarjy ministrligi Ishki memlekettik aýdit komitetine silteme jasap.
Jambyl oblysy boiynsha Ishki memlekettik aýdit departamenti 2021 jyldyń sáýir aiynda QR Sybailas jemqorlyqqa qarsy is-qimyl agenttiginiń Jambyl oblysy boiynsha departamentinen túsken aryzyna sáikes, «Taraz qalasy ákimdiginiń turǵyn jai-kommýnaldyq sharýashylyq, jolaýshy kóligi jáne avtomobil joldary bóliminiń «Jambyl-Sý» sharýashylyq júrgizý quqyǵyndyǵy memlekettik kommýnaldyq kásipornynda jalaqyny esepteý men tóleýdiń zańdylyǵyna jospardan tys tekserý júrgizdi. Nátijesinde 2020 jyldyń tamyzynan bastap 2021 jyldyń aqpanyna deiingi aralyqta jumysqa zańsyz qabyldanǵan jáne óz qyzmettik mindetterin oryndamaǵan kásiporynnyń 6 jumysshysyna kólemi 6 718,9 myń teńgege jalaqy zańsyz eseptelip, tólengeni anyqtaldy.
Olar úshin ai saiyn jalaqyny personaldy basqarý bóliminiń mamandary, býhgalteri jáne kásiporynnyń bas ekonomisi alyp kelgen», - delingen aqparatta.
Málim etilgendei, tekserý barysynda zańsyz alynǵan qarajatty, iaǵni 1 582,0 myń teńgeni býhgalter kásiporynnyń kirisine qaitarǵan.
«Júrgizilgen aýdit materialdary Sybailas jemqorlyqqa qarsy is-qimyl agenttiginiń Jambyl oblysy boiynsha departamentine jiberildi.
2021 jylǵy 29 sáýir aiynda atalǵan departament tarapynan qylmystyq is qozǵaldy», - dedi Jambyl oblysy boiynsha Ishki memlekettik aýdit departamentiniń basshysy A.Dúisenbaev.
