Elimizdiń tanymal sportshylary áleýmettik jeli arqyly Memleket basshysy Nursultan Nazarbaevtyń Qazaqstan halqyna málimdemesine orai pikirlerin bildirýde, dep habarlaidy QazAqparat tilshisi.
2016 jyly Rio-de-Janeiroda ótken jazǵy Olimpiada oiyndarynyń bokstan kúmis júldegeri Vasilii Levit: «Prezident myrza, barlyǵy úshin de rahmet!», dep jazdy.
Al álemniń 4 dúrkin jáne Qazaqstannyń 4 dúrkin rekordshysy Sergei Tsirýlnikov: «Prezident myrza, barlyǵy úshin de Sizge rizashylyǵymdy bilderemin», - degen jazba qaldyrdy.
Qazaqstandyq voleibolshy Sabina Altynbaeva: «Bul ózgerister oń bolǵai! Rahmet!», - dep atap ótedi.
Al 2012 jyly London jazǵy Olimpiada oiyndarynyń chempiony Aleksandr Vinokýrov: «Tarihi kún. Rahmet, Prezident myrza! Beibitshilik, turaqtylyq pen órkendeý úshin! Elimizdiń qalyptasýy úshin, bizdiń tarihymyz úshin jasaǵan isterińiz úshin!», - dep aǵynan jarylady.
2016 jylǵy Rio-de-Janeiroda ótken Olimpiada chempiony Dmitrii Balandin: Bárine de rahmet! Prezident myrza!
Aita keteiik, Memleket basshysy Nursultan Nazarbaev respýblikalyq telearnalar arqyly Qazaqstan halqyna arnalǵan málimdeme jasap, onda Prezidenttik ókilettigin toqtatatyndyǵyn jariia etken bolatyn.
