Almaty oblysy ákiminiń buiryǵymen Beijiń Olimpiadasynyń kúmis júldegeri Nurbaqyt Teńizbaev Almaty oblystyq Dene shynyqtyrý jáne sport basqarmasynyń basshysy qyzmetine taǵaiyndaldy, dep habarlaidy "Ult aqparat".
Oblys ákiminiń baspasóz hatshysy Ǵalymurat Júkeldiń aitýynsha, jańa basqarma basshysyn Amandyq Batalov apparat jiynynda taǵaiyndap, kópshilik aldynda tanystyrǵan.
Nurbaqyt Moldahmetuly 1983 jyly 10 sáýirde Almaty oblysy, Panfilov aýdany, Úsharal aýylynda dúniege kelgen.
Grek-rim kúresinen birneshe dúrkin Aziia chempionatynyń júldegeri, 2008 jylǵy Beijiń olimpiadasynyń kúmis júldegeri, 2009 jylǵy álem chempionatynyń qola júldegeri atanǵan kásibi sportshy. 2014 jyldan beri Almaty oblystyq joǵarǵy sport sheberlik mektebiniń direktory qyzmetin ataqaryp kelgen. Taldyqorǵan qalasynyń jáne Panfilov aýdanynyń qurmetti azamaty, «Qurmet» ordeniniń iegeri.
Al buǵan deiin oblystyq Dene shynyqtyrý jáne sport basqarmasynyń basshysy bolǵan Turatbek Sharapiev basqa qyzmetke aýysyna bailanysty, atalǵan qyzmetten bosatyldy.
