Qazaq óneri aýyr qazaǵa ushyrady. Tanymal ánshi, óner qairatkeri Bolat Ábdiahmetov ómirden ótti. Qaraly habardy óner iesiniń jaqyndary áleýmettik jeli arqyly jetkizdi, dep habarlaidy ult.kz.

Jaqyndary ánshiniń qazaqtyń kásibi mýzyka óneriniń damýyna eleýli úles qosqanyn atap ótip, onyń otbasy men týǵan-týystaryna kóńil aitty.

Bolat Ábdiahmetov kim?

Bolat Ábdiahmetov Shyǵys Qazaqstan oblysynyń Shar qalasynda dúniege kelgen. Ol Máskeý memlekettik mýzyka ýchilishesinde estrada jáne djaz baǵyty boiynsha kásibi bilim alǵan.

Shyǵarmashylyq jolynda ánshi Qazaqstan sahnasymen shektelmei, Ózbekstan, Resei, Qytai jáne Tailandta óner kórsetip, qazaq ánderin sheteldik kórermenge tanystyrdy.

Kópshilik Bolat Ábdiahmetovti «Jalańaiaq qyz», «Sulýym» sekildi ánderi arqyly jaqsy biledi. Ásirese Muqaǵali Maqataevtyń sózine jazylǵan «Jalańaiaq qyz» áni onyń shyǵarmashylyǵynda erekshe oryn aldy. Bul týyndy Qazaqstan men Ortalyq Aziiadan bólek, Eýropanyń birqatar elindegi tyńdarmanǵa da jetken.

Óner iesiniń qazasyna bailanysty áriptesteri, dostary men tyńdarmandary onyń otbasyna kóńil aityp, ánshiniń qazaq mádenietine qosqan úlesin eske alyp jatyr.