Qazaqstandyq kásipker, Choco holdinginiń basshysy Ramil Mýhoriapovtyń Reseiden kóship kelgendermen kezdesýinde qazaq tiline qatysty aitqan sózi Jelide daý týǵyzdy, - dep habarlaidy Tengrinews.kz.
Aita keteiik, Qaznette kásipker Ramil Mýhoriapov jiyndardyń birinde shetelden kelip jatqan reseilikterge olardy túsine tura qazaq tilinde jaýap berý "birtúrli jáne bul ultshyldyqtyń belgisi" ekenin aitqan video taraǵan bolatyn.
Áleýmettik jeli qoldanýshylary Mýhoriapovtyń sózin aiyptap, Choco holdingine tiesili qyzmetterge boikot jariialaýǵa shaqyrdy. Olar sondai-aq kásipkerden keshirim suraýyn talap etti.
"Ramil Mýhoriapov aldymen qazaq tilinde keshirim surańyz. Bul mádeniettiń kórinisi bolady. Ekinshiden, qazaqtar men qazaq tilin bireýmen talqylaityn kezde abailańyz. Bul aqymaqtyq. Bul taǵy qaitalansa quqyqtyq saldarǵa ákelýi múmkin", - dep jazdy jýrnalist Azamat Erǵali Facebook-te.
Jýrnalist jáne qoǵam qairatkeri Maksim Rojin Choco holdinginiń keibir servisterinde qazaq tilindegi paidalanýshylar úshin aqparat joq ekenine nazar aýdardy.
"Men obektivti bolýǵa tyrysamyn idoctor.kz jáne chocotravel.com saittary qazaq tilindegi betterimen qýantty. Biraq saittyń qazaq tilindegi nusqasy tolyq emes. Bul jalpy tilge, qazaq tildi klientke degen kózqaras pa? Siz qazaq tildi klientterdiń quqyqtaryn buzdym dep oilamaisyz ba? Bul Sizdiń qazaq tilin qoldaný máselesine degen jeke kózqarasyńyzdyń nátijesi nemese tómen mádenietińiz (siz bul týraly ózińiz aittyńyz)", - dep jazdy Rojin.
