Videodan alynǵan kadr
LGBT ókilderiniń bárin emdeýge adami resýrs ta, ýaqyt ta jetpeidi. Sol úshin qoǵamda ondailardyń paida bolmaýyna yqpal etýimiz kerek. Bul týraly tanymal imam Nurlan Baijigituly telejúrgizýshi Dinara Sátjanǵa bergen suhbatynda aitty, dep habarlaidy Azattyq Ruhy.
Nurlan Baijigituly dini biliminen bólek, Reseide psihologiia mamandyǵy boiynsha da joǵary oqý ornyn támamdaǵan. Onyń bul salany meńgerýine qoǵamdaǵy ózekti máseleler yqpal etken.
«Maǵan kózqarasy ózgergen, ashyp aitqanda, erkekpen erkek bir-birine ǵashyq bolǵan azamattar keldi. Solarmen jumys isteý barysynda psihologiialyq bilimimniń jetpeitinin túsindim. Jigittiń bireýi «meshitke barsam, ondaǵylar maǵan bul haram, kápir degen sózderdi ǵana aitady, basqa eshnárse aitpaidy» dedi. Ol jigittiń rýh iliminde, júreginde ne bar ekenin túsinip, soǵan tiisti em-domdy jasaýǵa maǵan kúsh jetpedi, bilimim jetpedi. Sol kezde maǵan psihologiialyq bazanyń kerek ekenin túsindim. Biz minberde turyp, bir jaqty aitqannan keiin, onyń deńgeiine túsý óte qiyn boldy. Al psihologiia sonyń deńgeiine túsip, ony túsinýime járdemdesti», - deidi imam.
Baijigitulynyń sózine sensek, dástúrli emes kózqarasta bolǵan álgi eki azamat ta búgin túzý jolǵa túsken. Bireýi tipti imanyn kúsheitip, namazǵa jyǵylypty.
«Ekinshisin tipti moldalar oqyp, qamshymen urǵan eken. Bul jerde jynnyń eshqandai qatysy joq. Aqyl-esi durys jigit. Onyń problemasy otbasynan bolǵan. Ol jigittiń otbasynda ákesi anasyn sabaǵan jáne ol únemi bolǵan. Sondai-aq, olardyń intimdik qarym-qatynasyn bala óz kózimen kórgen. Mine, sol úshin de bul másele qoǵamda bólek bolýy kerek. Mundailar óte kóp eken. Olardyń árqaisysyn qýyp júrip sóilesýge oǵan adamnyń resýrsy da, ómiri de jetpeidi. Sondailardy boldyrmaýdyń jolyn izdeýimiz kerek», - dedi ol.
