ۆيدەودان الىنعان كادر
لگبت ٶكٸلدەرٸنٸڭ بەرٸن ەمدەۋگە ادامي رەسۋرس تا, ۋاقىت تا جەتپەيدٸ. سول ٷشٸن قوعامدا وندايلاردىڭ پايدا بولماۋىنا ىقپال ەتۋٸمٸز كەرەك. بۇل تۋرالى تانىمال يمام نۇرلان بايجٸگٸتۇلى تەلەجٷرگٸزۋشٸ دينارا سەتجانعا بەرگەن سۇحباتىندا ايتتى, دەپ حابارلايدى Azattyq Ruhy.
نۇرلان بايجٸگٸتۇلى دٸني بٸلٸمٸنەن بٶلەك, رەسەيدە پسيحولوگييا ماماندىعى بويىنشا دا جوعارى وقۋ ورنىن تەمامداعان. ونىڭ بۇل سالانى مەڭگەرۋٸنە قوعامداعى ٶزەكتٸ مەسەلەلەر ىقپال ەتكەن.
«ماعان كٶزقاراسى ٶزگەرگەن, اشىپ ايتقاندا, ەركەكپەن ەركەك بٸر-بٸرٸنە عاشىق بولعان ازاماتتار كەلدٸ. سولارمەن جۇمىس ٸستەۋ بارىسىندا پسيحولوگييالىق بٸلٸمٸمنٸڭ جەتپەيتٸنٸن تٷسٸندٸم. جٸگٸتتٸڭ بٸرەۋٸ «مەشٸتكە بارسام, ونداعىلار ماعان بۇل حارام, كەپٸر دەگەن سٶزدەردٸ عانا ايتادى, باسقا ەشنەرسە ايتپايدى» دەدٸ. ول جٸگٸتتٸڭ رۋح ٸلٸمٸندە, جٷرەگٸندە نە بار ەكەنٸن تٷسٸنٸپ, سوعان تيٸستٸ ەم-دومدى جاساۋعا ماعان كٷش جەتپەدٸ, بٸلٸمٸم جەتپەدٸ. سول كەزدە ماعان پسيحولوگييالىق بازانىڭ كەرەك ەكەنٸن تٷسٸندٸم. بٸز مٸنبەردە تۇرىپ, بٸر جاقتى ايتقاننان كەيٸن, ونىڭ دەڭگەيٸنە تٷسۋ ٶتە قيىن بولدى. ال پسيحولوگييا سونىڭ دەڭگەيٸنە تٷسٸپ, ونى تٷسٸنۋٸمە جەردەمدەستٸ», - دەيدٸ يمام.
بايجٸگٸتۇلىنىڭ سٶزٸنە سەنسەك, دەستٷرلٸ ەمەس كٶزقاراستا بولعان ەلگٸ ەكٸ ازامات تا بٷگٸن تٷزۋ جولعا تٷسكەن. بٸرەۋٸ تٸپتٸ يمانىن كٷشەيتٸپ, نامازعا جىعىلىپتى.
«ەكٸنشٸسٸن تٸپتٸ مولدالار وقىپ, قامشىمەن ۇرعان ەكەن. بۇل جەردە جىننىڭ ەشقانداي قاتىسى جوق. اقىل-ەسٸ دۇرىس جٸگٸت. ونىڭ پروبلەماسى وتباسىنان بولعان. ول جٸگٸتتٸڭ وتباسىندا ەكەسٸ اناسىن ساباعان جەنە ول ٷنەمٸ بولعان. سونداي-اق, ولاردىڭ ينتيمدٸك قارىم-قاتىناسىن بالا ٶز كٶزٸمەن كٶرگەن. مٸنە, سول ٷشٸن دە بۇل مەسەلە قوعامدا بٶلەك بولۋى كەرەك. مۇندايلار ٶتە كٶپ ەكەن. ولاردىڭ ەرقايسىسىن قۋىپ جٷرٸپ سٶيلەسۋگە وعان ادامنىڭ رەسۋرسى دا, ٶمٸرٸ دە جەتپەيدٸ. سوندايلاردى بولدىرماۋدىڭ جولىن ٸزدەۋٸمٸز كەرەك», - دەدٸ ول.
