Foto:egemen.kz
Tanymal qazaqstandyq boksshy Janqosh Turarovqa qyz zorlady degen aiyp taǵyldy, -dep habarlaidy "Ult Aqparat".
Almaty qalasy Áýezov aýdanynyń politsiia bólimi qylmystyq is qozǵalǵanyn habarlady.
«Sot-meditsinalyq saraptama taǵaiyndaldy. Qazir oqiǵanyń barlyq mán-jaiyn anyqtaý úshin tergeý júrip jatyr», – delingen habarlamada.
Buǵan deiin áleýmettik jelilerde 19 tamyz kúni saǵat 23.00 shamasynda Almaty qalasyndaǵy Áýezov aýdany 5-shaǵynaýdanda 28 jastaǵy boijetkenniń páterde zorlanǵany týraly politsiiaǵa aryzy túskeni týraly aqparat paida bolǵan.
34 jastaǵy qazaqstandyq kásipqoi boksshy Janqosh Turarov birinshi jartylai orta salmaqtaǵy IBO bokstan álem chempiony.
