Foto: ashyq derekkózden
Tanymal bloger Aina Dosmahambetqyzy qoǵamdaǵy daýly máselege qatysty pikir bildirip, erler qaýymyna ún qatty.
Aina Dosmahambetqyzy aliment tólemeitin er adamdarmen qol alysyp amandaspaýǵa shaqyrdy.
"Ajyraspa" jobasynyń aiasynda meniń aliment jaily únemi shyryldap aitatyn bir nársem bar edi. Qurmetti erkekter qaýymy! Óz balasyna aliment tólemeitin erkekpen bir dastarhan basynda otyrmańdarshy, qol alyp amandaspańdarshy, dos retinde qabyldamańdarshy. Áielder "alment tóle" dep myń shyryldaǵannan bir erkektiń qol almai janynan ótip ketkeni aliment tólemeitin ákelerge áldeqaida qatty áser etedi!!! Erkekti áiel emes, tek ózi siiaqty erkek orta qabyldamaǵanda ǵana ol oilanady", - deidi ol.
Blogerdiń sózinshe, bolyp jatqan qoǵamdaǵy sumdyq jaittar - tek áielderge qatysty tragediia emes. Árbir er adam áielderdiń máselesin kóterip, ashyq aita bilýi kerek.
"Dál sol siiaqty qazirgi sumdyq zorlyq týraly da áielder emes, erkekter aitsa deimin! Áielge qol kótregen erkekti erkekter synap, amandaspai, qasyna otyrmaǵanda ǵana birdeńe ózgeredi! Bul postty oqyp otyrǵan erkekter "bul meniń isim emes" dep otyrǵan bolarsyzdar, biraq 1 sekýndqa bolsyn sizdiń qyzyńyz erter Bishembaevqa turmysqa shyqqanyn elestetińizshi. 1 min bolsyn ohrannik Uljandy emes, sizdiń qaryndasańyzdy zorlady dep oilanyńyzshy. Politsiia qyzmetkeri basqa qyzdy emes, sizdiń týǵan ápkeńizdi zorlady deiik. Elestetip kórińiz. Detalno elestetip kórińiz. Qalai eken? Sizge qatysy joq pa? Bul bárimizge qatysy bar! Biz bir aýyzdan kez kelgen zorlyqty qylmystyq jaýapkershilik dep qabyldaýdy talap etýimiz kerek. Eshteńe istei almasańyz da, óz paraqshańyz arqyly siz bul jaǵdaimen kelispeitinińizdi kórsetińiz. Paraqshańyzǵa repost jasap, salyńyz. Áielder onysyz da shyryldap júr. Erkek bolyp, qoǵam úshin jaýapkershilik alsańyz. Belsendilik tanytsańyz! Erteń sizdiń qyzyńyz, qaryndasyńyz, ápkeńiz, anańyz qaýipsiz ortada ómir súrsin deseńiz, úndemei otyrýǵa bolmaidy! Erkekti erke toqtata alady! Áieline qol kótergen dosyńyzben aralaspańyz! Amandaspańyz! Bir dastarhanda otyrmańyz! Tek sonda ǵana birdeńe ózgeredi", - dep jazdy bloger.
Eske salaiyq, buǵan deiin eks-ministr Bishimbaev áielin uryp óltirdi degen kúdikke ilingeni habarlandy. Keiin burynǵy sheneýnik qamaýǵa alynǵany belgili boldy.
