فوتو: اشىق دەرەككٶزدەن
تانىمال بلوگەر اينا دوسماحامبەتقىزى قوعامداعى داۋلى مەسەلەگە قاتىستى پٸكٸر بٸلدٸرٸپ, ەرلەر قاۋىمىنا ٷن قاتتى.
اينا دوسماحامبەتقىزى اليمەنت تٶلەمەيتٸن ەر ادامدارمەن قول الىسىپ امانداسپاۋعا شاقىردى.
"اجىراسپا" جوباسىنىڭ اياسىندا مەنٸڭ اليمەنت جايلى ٷنەمٸ شىرىلداپ ايتاتىن بٸر نەرسەم بار ەدٸ. قۇرمەتتٸ ەركەكتەر قاۋىمى! ٶز بالاسىنا اليمەنت تٶلەمەيتٸن ەركەكپەن بٸر داستارحان باسىندا وتىرماڭدارشى, قول الىپ امانداسپاڭدارشى, دوس رەتٸندە قابىلداماڭدارشى. ەيەلدەر "المەنت تٶلە" دەپ مىڭ شىرىلداعاننان بٸر ەركەكتٸڭ قول الماي جانىنان ٶتٸپ كەتكەنٸ اليمەنت تٶلەمەيتٸن ەكەلەرگە ەلدەقايدا قاتتى ەسەر ەتەدٸ!!! ەركەكتٸ ەيەل ەمەس, تەك ٶزٸ سيياقتى ەركەك ورتا قابىلداماعاندا عانا ول ويلانادى", - دەيدٸ ول.
بلوگەردٸڭ سٶزٸنشە, بولىپ جاتقان قوعامداعى سۇمدىق جايتتار - تەك ەيەلدەرگە قاتىستى تراگەدييا ەمەس. ەربٸر ەر ادام ەيەلدەردٸڭ مەسەلەسٸن كٶتەرٸپ, اشىق ايتا بٸلۋٸ كەرەك.
"دەل سول سيياقتى قازٸرگٸ سۇمدىق زورلىق تۋرالى دا ەيەلدەر ەمەس, ەركەكتەر ايتسا دەيمٸن! ەيەلگە قول كٶترەگەن ەركەكتٸ ەركەكتەر سىناپ, امانداسپاي, قاسىنا وتىرماعاندا عانا بٸردەڭە ٶزگەرەدٸ! بۇل پوستتى وقىپ وتىرعان ەركەكتەر "بۇل مەنٸڭ ٸسٸم ەمەس" دەپ وتىرعان بولارسىزدار, بٸراق 1 سەكۋندقا بولسىن سٸزدٸڭ قىزىڭىز ەرتەر بيشەمباەۆقا تۇرمىسقا شىققانىن ەلەستەتٸڭٸزشٸ. 1 مين بولسىن وحراننيك ۇلجاندى ەمەس, سٸزدٸڭ قارىنداساڭىزدى زورلادى دەپ ويلانىڭىزشى. پوليتسييا قىزمەتكەرٸ باسقا قىزدى ەمەس, سٸزدٸڭ تۋعان ەپكەڭٸزدٸ زورلادى دەيٸك. ەلەستەتٸپ كٶرٸڭٸز. دەتالنو ەلەستەتٸپ كٶرٸڭٸز. قالاي ەكەن? سٸزگە قاتىسى جوق پا? بۇل بەرٸمٸزگە قاتىسى بار! بٸز بٸر اۋىزدان كەز كەلگەن زورلىقتى قىلمىستىق جاۋاپكەرشٸلٸك دەپ قابىلداۋدى تالاپ ەتۋٸمٸز كەرەك. ەشتەڭە ٸستەي الماساڭىز دا, ٶز پاراقشاڭىز ارقىلى سٸز بۇل جاعدايمەن كەلٸسپەيتٸنٸڭٸزدٸ كٶرسەتٸڭٸز. پاراقشاڭىزعا رەپوست جاساپ, سالىڭىز. ەيەلدەر ونىسىز دا شىرىلداپ جٷر. ەركەك بولىپ, قوعام ٷشٸن جاۋاپكەرشٸلٸك الساڭىز. بەلسەندٸلٸك تانىتساڭىز! ەرتەڭ سٸزدٸڭ قىزىڭىز, قارىنداسىڭىز, ەپكەڭٸز, اناڭىز قاۋٸپسٸز ورتادا ٶمٸر سٷرسٸن دەسەڭٸز, ٷندەمەي وتىرۋعا بولمايدى! ەركەكتٸ ەركە توقتاتا الادى! ەيەلٸنە قول كٶتەرگەن دوسىڭىزبەن ارالاسپاڭىز! امانداسپاڭىز! بٸر داستارحاندا وتىرماڭىز! تەك سوندا عانا بٸردەڭە ٶزگەرەدٸ", - دەپ جازدى بلوگەر.
ەسكە سالايىق, بۇعان دەيٸن ەكس-مينيستر بيشٸمباەۆ ەيەلٸن ۇرىپ ٶلتٸردٸ دەگەن كٷدٸككە ٸلٸنگەنٸ حابارلاندى. كەيٸن بۇرىنعى شەنەۋنٸك قاماۋعا الىنعانى بەلگٸلٸ بولدى.
