Almatydaǵy túngi klýbtardyń birinde tanymal bloger esirtkimen ustaldy, – dep habarlaidy "Ult aqparat" Polisia.kz portalyna silteme jasap.
IIM baspasóz qyzmeti málimetinshe, ótken demalys kúnderi Almatynyń Medeý aýdanynda ornalasqan barlardyń birinde politsiianyń arnaiy jasaǵy men EQqKB-nyń jedel qyzmetkerleri arnaiy is-shara júrgizgen. Ony qalalyq prokýratýra “Esirtki biznesimen kúres” jobasy aiasynda úilestirgen.
"Túngi saǵat ekide túngi klýbta 19 jastaǵy T. esimdi azamat ustaldy, onyń shalbarynyń oń qaltasynan kók izolentaǵa oralǵan, sintetikalyq zat salynǵan úsh býma tabyldy. Jumys nusqalarynyń birine sáikes, bul mefedron psihoaktivti zaty. Shóptiń naqty tiesiligin anyqtaý úshin sot-himiialyq saraptama taǵaiyndaldy. Ustalǵan azamat QR QPK-niń 128-babyna sáikes ýaqytsha ustaý izoliatoryna qamaldy. Sotqa deiingi tergeý QR QK-niń 297-baby 1-bóligi boiynsha júrgizilip jatyr", – deidi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
QR QPK-niń 201-babyna sáikes tergeý múddesin kózdeitin ózge de málimetter jariia etýge jatpaidy.
QR Konstitýtsiiasynyń 77-babynyń 3-tarmaǵynyń 1-tarmaqshasy jáne QR QPK-niń 19-baby 1-bóligine sáikes, zańdy kúshine engen sot úkimimen belgilengenge deiin árbir adam qylmystyq quqyqbuzýshylyq jasaýda kinásiz dep tanylady.
