Foto: supersadovnik.ru
Sinoptikter tamyzda aýa raiy qandai bolatynyn aitty, - dep habarlaidy "Ult aqparat".
Tamyz jaz maýsymyn aiaqtaidy jáne Qazaqstannyń basym bóliginde turaqsyz aýa raiynan bastalady. Atmosferalyq fronttardyń ótýimen jaýyn-shashyn, naizaǵai, burshaq jáne ekpindi jel kútiledi.
Aidyń birinshi onkúndiginde aýa temperatýrasynyń shamaly tómendeýi boljanady:
respýblikanyń soltústiginde, ortalyǵynda, shyǵysynda túnde +12+22°S-tan +10+18°S-qa deiin, kúndiz +30+35°S-tan +22+30°S-qa deiin, al ońtústik óńirlerde túnde +20+27°S-tan +18+23°S-qa deiin, kúndiz +34+42°S-tan +28+35°S-qa deiin;
elimizdiń batysynda aýa temperatýrasynyń túnde +13+20°S-tan 20+25°S-qa deiin, kúndiz +25+30°S-tan +33+41°S-qa deiin; ońtústik-batysta túnde +20+25°S-tan + 25+30°S-qa deiin shamaly aýytqýy kútiledi, kúndiz aýa temperatýrasy +30+40°S sheginde saqtalady.
Tamyzdyń ekinshi jáne úshinshi onkúndikterinde respýblika aýmaǵynda barikalyq túzilimderdiń kezektesýi baiqalatyn bolady. Ystyq jáne qurǵaq kúnder salqyn jáne jańbyrly, keide naizaǵai men burshaqpen aýysyp otyrady. Aýa temperatýrasy soltústik aimaqtarda túnde +13+20°S-tan +8+15°S-qa deiin, kúndiz +17+25°S-tan +23+30°S-qa deiin aýytqýy, ońtústik jáne batys aimaqtarda aýa temperatýrasynyń negizgi fony túnde +13+22°S, kúndiz +28+38°S kútiledi.
Eskertý: bir aiǵa arnalǵan boljamdy konsýltativtik retinde paidalaný kerek, ol keiinnen sinoptikalyq jaǵdaidyń ózgerýine qarai túzetiledi jáne onkúndikke arnalǵan aýa raiy boljamdarymen naqtylanady.
