Jergilikti halyq bir ai jatpai-turmai fýndýk terip, fabrikalar ony óńdeýmen ainalysady. Halyq tańǵy saǵat 8-den keshki 6-ǵa deiin fýndýk teredi. Alqapta demalatyn tósenishteri men as-sýy da bar. Ońai jumys emes, biikten tómenge qarai júre otyryp tergende taza sport.
Túrkiiada jylyna 700 tonna fýndýk óndirse, Giresýn qalasy onyń 60 tonnasyn isteidi. Al Fiskobirlik óndiristik zaýyty sol 60 tonnanyń 30 tonnasyn óndirip otyr.
Bul óndiris zaýyty Atatúriktik kezinde ulysaralyq fýndýk kongresinen keiin 1938 jyly qurylǵan. Sodan beri úzilissiz jumys istep kele jatqan fabrika búginde qanshama fýndýk táttilerin óndirip keledi.
Giresýn qalasyndaǵy biz barǵan fýndýk alqabynyń aýmaǵy 11 myń gektar. Sonymen birge dál osy qalada Jańǵaq ǵylymi inistitýty da bar. Bul institýt fýndýktyń túrlerin, oǵan túsetin ziiankesterdi bárin zerttep, ǵylymi ainalymǵa engizip otyrady. Fýndýk ǵylymi-zertteý institýty Qara teńiz aimaǵyndaǵy jańǵaq óndirisin jaqsartý jáne onyń máselelerine sheshim tabý maqsatynda 1936 jyly Giresýn qalasynda qurylǵan.
Bul institýt elimizdegi orman jańǵaǵy boiynsha zertteý júrgizetin birden-bir mekeme bolǵandyqtan, onyń qyzmet salasy; Qara teńiz aimaǵyndaǵy Giresýn, Ordý, Trabzon, Rize jáne Artvin provintsiialary (eski jańǵaq óndirý aimaǵy) jáne Samsýn, Sinop, Kastamoný, Dúze, Zongýldak, Sakariia, Kojaeli, Bartyn, Tokat Gúmúshhane jáne Bolý (jańa jańǵaq óndirý aimaǵy) boiynsha fýndýk ekonomikalyq óndirisin zerttep otyr.
Aqbota Musabek
