Foto: Gov.kz
Memleket basshysy Qazaqstan halqyna Joldaýynda densaýlyq saqtaý salasynda birqatar mindet qoidy. Jyl sońyna deiin Mindetti meditsinalyq saqtandyrý júiesin tsifrlandyrýdy aiaqtaý, al kelesi jyldyń sońyna deiin biryńǵai ulttyq aqparattyq júieni engizý josparlanyp otyr. Bul týraly QR Premer-Ministriniń orynbasary Tamara Dúisenova Túrkistan oblysynyń birqatar uiymy basshylarymen ótken keńeste aitty, dep habarlaidy «Ult aqparat».
Óńirge jumys sapary barysynda Tamara Dúisenovaǵa dárilik zattardy tańbalaý jáne qadaǵalaý júiesi kórsetildi. Dári-dármekter qozǵalysy elge ákelingen jáne óndirilgen sátten bastap patsient nemese satyp alýshy dárihanalar arqyly alǵanǵa deiin naqty ýaqyt rejiminde baqylanady. Atalǵan tizbektegi qoimalardyń biri Túrkistan qalasynda ornalasqan.Aita keteiik, júie engizilgeli beri munda 13 túrli otandyq dári-dármektiń 1,5 myńnan astam qaptamasy qabyldanǵan. Osy jerden olar oblystyń emdeý mekemelerine jiberiledi. Qazyǵurt aýdandyq ortalyq aýrýhanasynda preparattardy statsionarda qabyldaý jáne paidalaný protsesi kórsetildi.
Vitse-premer emdeý mekemesiniń jumysymen tanysyp, emdelýshilermen áńgimelesti.
Aýrýhana bazasynda ótken jyldan bastap ońaltý ortalyǵy jumys isteidi. Bul ortalyqtyń qyzmetterin operatsiiadan shyqqan, insýlt alǵan jáne basqa da naýqastar paidalanady. Munda 400-den astam adam tegin kýrstarmen qamtyldy.
Memleket basshysynyń tapsyrmasy boiynsha «Aýylda densaýlyq saqtaýdy jańǵyrtý» ulttyq jobasy iske asyrylyp keledi. Baǵdarlama aiasynda Túrkistan oblysynda 49 MSAK nysanynyń qurylysy qarastyrylǵan. Olardyń biri Mahambet Ótemisov aýylynda turǵyzylyp, tek ainalasyn abattandyrý jumystary qalǵan.
Jumys sapary aiasynda vitse-premerdiń tóraǵalyǵymen óńirde densaýlyq saqtaý júiesin damytý jóninde keńes ótti. Oǵan jaýapty Ministrliktiń, Mindetti meditsinalyq saqtandyrý qorynyń ókilderi, oblystyń meditsinalyq uiymdarynyń basshylary qatysty. Memleket basshysy alǵa qoiǵan mindetterdi oryndaý aiasynda meditsinalyq kómektiń biryńǵai paketin qalyptastyrý máseleleri de sóz boldy.
«Meditsina aýrýdyń aldyn alý úshin jumys isteýi kerek. Iaǵni, bizge sapaly jáne ýaqtyly diagnostika qajet. Emhana dárigerleri atqarar jumys kóp. Emdeý mekemesine bekitilgen azamattardy ózektendirý qajet. Sonymen qatar júiege saqtandyrylmaǵan adamdardy tartý mańyzdy. Bul sharalar Memleket basshysy qoiǵan mindetterdi sapaly oryndaýǵa múmkindik beredi», — dedi Tamara Dúisenova.
Jýyrda Prezident halyqqa Joldaýynda aýyl turǵyndarynyń tabysyn arttyrýǵa baǵyttalǵan «Aýyl amanaty» baǵdarlamasyna oń baǵa berdi. Jeńildetilgen nesieniń artyqshylyǵyn Túrkistan oblysynyń aýyl turǵyndary da kórdi. Solardyń biri, Saýran aýdany Oranǵai aýylynan Babyr Nasyrov dánekerleý jáne jihaz tsehyn ashqan. Osy maqsatta ol 5 mln teńge kóleminde nesie aldy. Satyp alynǵan jabdyqtyń kómegimen ol qurylys úshin metall konstrýktsiialar, jihaz jasaidy.
«Qazir mende turaqty negizde 12 adam jumys isteidi. Tapsyrystar kóp bolǵan kezde qosymsha adamdardy tartamyn. Ónimge degen suranys óte úlken. Sondyqtan jaqyn arada óz isimdi keńeitýdi josparlap otyrmyn», — deidi kásipker.
Aýyldyń taǵy bir turǵyny Bahadir Izrailov joba arqyly aýlasynda mal bordaqylaý alańyn uiymdastyrdy. Jergilikti kooperativ múshelerine mal azyǵy tómendetilgen baǵamen beriledi. Jalpy aýdanda aýyl sharýashylyǵy kooperativteriniń jumysy jolǵa qoiylǵan. Berilgen egis alqaptarynda bidai, jońyshqa, júgeri ósiriledi. Qazyǵurt aýdany Ainatas aýylynda aýyl turǵyndarynyń ónim kórmesi uiymdastyryldy. Negizgi nazar ónimdi qaita óńdeýge aýdaryldy. «Aýyl amanaty» aýyl turǵyndaryna óz isin túrli baǵytta ashýǵa múmkindik berdi. Bireýi jartylai fabrikattar, ekinshisi ulttyq kiimder men at ábzelderin shyǵarady. Túiequs jumyrtqalaryn satýmen ainalysqandar da bar.
Qaldyqtardy qaita óńdeýshiler erekshe nazar aýdartty. Mysaly, Amantai Ańdasov plastikalyq qaldyqtardan túrli turmystyq kerek-jaraqtar jasaidy. Taǵy bir turǵyn qaǵaz qoqystan lotoktar óndirýdi jolǵa qoisa, taǵy bir qatysýshy aǵash qaldyqtarynan kómir óndirip júr. Vitse-premer jobalarǵa joǵary baǵa berip, bul «Taza Qazaqstan» baǵdarlamasynyń jaqsy jalǵasy bolýy múmkin ekenin atap ótti.
Biznes bastaýǵa berilgen óteýsiz granttar da oń nátijege jeteleidi. Mysaly, Esbol Erden biyl stanokqa qol jetkizip, ol úshin shamamen 1,5 mln teńge alǵan. Metaldan túrli zattar jasap, oiý-órnegi bar qaqpalar daiyndaidy. Ol óndiriste ulttyq stildi qoldanǵandy jón kóredi.
Óńirge sapar aiasynda Tamara Dúisenova aýyldyq okrýg ákimderimen keńes ótkizdi. Onda aýyl turǵyndarynyń ál-aýqatyn arttyrý sharalary talqylandy. Prezident Qazaqstan halqyna Joldaýynda ataýly qoldaý kórsetýge nazar aýdardy. Otbasynyń tsifrlyq kartasy derekteri negizinde otbasylardyń ál-aýqaty deńgeiine bailanysty 5 sanaty anyqtaldy.
Daǵdarystyq jáne shuǵyl sanattaǵy otbasylarmen jumys isteý úshin memlekettik qoldaýdyń neǵurlym ońtaily sharalary paidalanylýy tiis. Oblys ákimi Darhan Satybaldy «Bir aýyl – bir ónim» tásilin engizý jospary týraly baiandady. Onyń máni – jergilikti shikizattan joǵary qundy ónim óndirý. Vitse-premer bul bastamaǵa oń baǵa berdi. Vitse-premer bastamany oń baǵalady. Memleket basshysy Qazaqstan halqyna Joldaýynda taýarlyq nesieni paidalanýǵa nazar aýdardy. Tamara Dúisenova ákimderdi osy quraldardy belsendi paidalanýǵa shaqyrdy.
