Búgin Elbasynyń "Uly dalanyń jeti qyry" atty maqalasy jaryq kórgen bolatyn. Osy maqalaǵa bailanysty Nur Otan partiiasynyń hatshysy Tamara Dúisenova óz pikirin bildirdi.
Elbasynyń uly dalamyzdyń jeti qyryn tereń tarazylaǵan maqalasyn oqyp shyǵyp, keremet kóńil kúige bólendim. Halyq kókeiinde júrgen talai-talai dúnielerdi dóp basyp aitqan, tarihi týyndysy úshin Prezidentimizge sheksiz alǵysymdy bildirgim keledi.
Dúniejúzilik mádenietke, ǵylymǵa, jalpy qoǵamdyq damýǵa óziniń zor úlesin qosqan ólkede týyp, ósip-óný, onyń tarihyn jalǵastyrý árbir sanasy oiaý qazaq úshin úlken mártebe jáne maqtanysh.
Elbasy Uly dalanyń jeti qyryn tilge tiek ete kelip, bizge birneshe talap qoiyp otyrǵandai.
Birinshiden, kúlli túrki halqynyń «qara shańyraǵy» bolǵan Qazaqstan búginde sol tizginin ustaý múmkindiginen aiyrylyp qalmaýy úshin bizdiń bolmysymyz jańa kezeńge sai bolýy qajet.
Al, budan kelip ekinshi másele týyndaidy, ol - sananyń jańǵyrýy. Adamdyq bolmys onyń sanasynyń deńgeiimen ólshenedi. Olai bolsa, bizge qoiylǵan talaptyń taǵy biri – bilimdi bolý, ǵylymdy dáripteý.
Úshinshiden, búkil túrki halyqtarynyń Qazaqstandy «qara shańyraǵy» retinde tanyp, sol týystyq qarym-qatynasty damytý jáne talanymyzǵa buiyrǵan mádeni muramyzdy saqtap qalý úshin Elbasy bizge birneshe iri jobalardy usynyp, ony júzege asyrýdyń jolyn da kóregendilikpen kórsetip qoidy.
Olardyń ishinde rýhani astanamyz – Túrkistan, ejelgi Otyrar tarihyn qaita jańǵyrtý, túrki halyqtarynyń mádeni kúnderin uiymdastyrý siiaqty tyń bastamalar bar.
Tórtinshiden, ulttyq kodymyzdyń negizderiniń biri bolǵan aýyzsha jáne mýzykalyq dástúrdi de jalǵastyrý máselesi qaralyp otyr.
Dala folklorynyń antologiiasy, Uly dalanyń kóne saryndary jinaǵy ulttyq ónerimizdiń tarihyndaǵy aitýly jańǵyrýdyń biri bolmaq dep paiymdaimyn.
Eldiń eldigin er bildiredi, erdiń erligin el bildiredi degendei, ulttyq qaharmandarymyz, uly oishyldarymyz, eldi parasatpen basqarǵan tulǵalarymyz týraly derekti filmder nemese teleserialdardyń túsirilýi qarastyrylyp otyr. Bul ulttyq tárbiemizdiń boiyna qan júgirtip, jaqsyǵa elikteý, jamannan jirený ádetimizdi jandandyra túsýge igi sharapatyn tigizeri sózsiz.
