Tálipter Aýǵanstan áielderine jumysqa barmaýǵa, úide otyra turýǵa keńes berdi. Bul týraly "Talibannyń" resmi ókili Zabiholla Modjahidke siltep Bi-bi-si habarlady.
"Bizdiń qaýipsizdik kúshterimiz áieldermen qalai sóilesip, qalai qarym-qatynas jasaýdy bile bermeidi. Qaýipsizdikteri tolyq qamtamasyz etilgenshe áielderdiń úide otyra turǵanyn qalaimyz, bul kópke sozylmaidy", - dedi Modjahid.
"Taliban" ókili Kabýldaǵy evakýatsiiany da sóz etip, áýejaida dúrbeleń bolyp jatqanynyn, aýǵandardyń onda barmai-aq qoiǵany durys bolatynyn aitty.
Modjahid Vashingtondy Aýǵanstannan ketkisi keletinderdi yntalandyrmaýǵa shaqyrdy. Onyń sózinshe, Aýǵanstan talantty azamattarǵa ózi de zárý.
Tálipter 15 tamyzda Kabýldy soǵyssyz alǵan soń Aýǵanstanǵa tolyq baqylaý ornatqanyn jariialaǵan. Aýǵanstan prezidenti Birikken arab ámirlikterine ketip qalǵan.
Tálipterdiń resmi ókili Zabiholla Modjahid baspasóz konferentsiiasyn ótkizip, tálipter biligi kezinde Aýǵanstan qandai bolatynyn aitqan bolatyn. Ol shariǵat zańy engiziletinin, biraq áielder quqyǵy keńeietinin, olarǵa jumys isteýge múmkindik beretinin eskertken. Aýǵanstandy esirtkisiz elge ainaldyrýǵa da ýáde bergen.
"Taliban" qozǵalysy 1996-2001 jyldar aralyǵynda Aýǵanstandy shariǵattyń qatań zańdarymen basqarǵan edi. On jastan asqan qyzdar men áielderge oqýǵa, jumys isteýge, kúieýinsiz nemese kúieýiniń týys er adamynsyz kóshege shyǵýǵa tyiym salyp, párenji kiiýge mindettegen.
2021 jyldyń 15 tamyzynan bastap tálipter áielderge qoǵamdyq oryndarǵa oramalsyz kirýge tyiym salǵan.
