تەلٸپتەر اۋعانستان ەيەلدەرٸنە جۇمىسقا بارماۋعا, ٷيدە وتىرا تۇرۋعا كەڭەس بەردٸ. بۇل تۋرالى "تاليباننىڭ" رەسمي ٶكٸلٸ زابيحوللا مودجاحيدكە سٸلتەپ بي-بي-سي حابارلادى.
"بٸزدٸڭ قاۋٸپسٸزدٸك كٷشتەرٸمٸز ەيەلدەرمەن قالاي سٶيلەسٸپ, قالاي قارىم-قاتىناس جاساۋدى بٸلە بەرمەيدٸ. قاۋٸپسٸزدٸكتەرٸ تولىق قامتاماسىز ەتٸلگەنشە ەيەلدەردٸڭ ٷيدە وتىرا تۇرعانىن قالايمىز, بۇل كٶپكە سوزىلمايدى", - دەدٸ مودجاحيد.
"تاليبان" ٶكٸلٸ كابۋلداعى ەۆاكۋاتسييانى دا سٶز ەتٸپ, ەۋەجايدا دٷربەلەڭ بولىپ جاتقانىنىن, اۋعانداردىڭ وندا بارماي-اق قويعانى دۇرىس بولاتىنىن ايتتى.
مودجاحيد ۆاشينگتوندى اۋعانستاننان كەتكٸسٸ كەلەتٸندەردٸ ىنتالاندىرماۋعا شاقىردى. ونىڭ سٶزٸنشە, اۋعانستان تالانتتى ازاماتتارعا ٶزٸ دە زەرۋ.
تەلٸپتەر 15 تامىزدا كابۋلدى سوعىسسىز العان سوڭ اۋعانستانعا تولىق باقىلاۋ ورناتقانىن جارييالاعان. اۋعانستان پرەزيدەنتٸ بٸرٸككەن اراب ەمٸرلٸكتەرٸنە كەتٸپ قالعان.
تەلٸپتەردٸڭ رەسمي ٶكٸلٸ زابيحوللا مودجاحيد باسپاسٶز كونفەرەنتسيياسىن ٶتكٸزٸپ, تەلٸپتەر بيلٸگٸ كەزٸندە اۋعانستان قانداي بولاتىنىن ايتقان بولاتىن. ول شاريعات زاڭى ەنگٸزٸلەتٸنٸن, بٸراق ەيەلدەر قۇقىعى كەڭەيەتٸنٸن, ولارعا جۇمىس ٸستەۋگە مٷمكٸندٸك بەرەتٸنٸن ەسكەرتكەن. اۋعانستاندى ەسٸرتكٸسٸز ەلگە اينالدىرۋعا دا ۋەدە بەرگەن.
"تاليبان" قوزعالىسى 1996-2001 جىلدار ارالىعىندا اۋعانستاندى شاريعاتتىڭ قاتاڭ زاڭدارىمەن باسقارعان ەدٸ. ون جاستان اسقان قىزدار مەن ەيەلدەرگە وقۋعا, جۇمىس ٸستەۋگە, كٷيەۋٸنسٸز نەمەسە كٷيەۋٸنٸڭ تۋىس ەر ادامىنسىز كٶشەگە شىعۋعا تىيىم سالىپ, پەرەنجٸ كييۋگە مٸندەتتەگەن.
2021 جىلدىڭ 15 تامىزىنان باستاپ تەلٸپتەر ەيەلدەرگە قوعامدىق ورىندارعا ورامالسىز كٸرۋگە تىيىم سالعان.
