Ortalyq kommýnikatsiialar qyzmetinde ótip jatqan brifingte QR Syrtqy ister ministriniń orynbasary Aqan Rahmetýllin Talibanmen ("Taliban" qozǵalysyna Qazaqstanda sot sheshimimen tyiym salynǵan) aradaǵy diplomatiialyq bailanys týraly pikir bildirdi, dep habarlaidy "Ult aqparat".
«Talibandy biz moiyndaǵan joqpyz. Keshe Syrtqy ister ministrligi Aýǵanstandaǵy ahýalǵa bailanysty resmi málimdeme jasaǵanyn bilesizder. Otandyq aqparat quraldarynda ol jariialandy. Biz bul eldegi ahýaldy muqiiat baqylap otyrmyz. BUU-nyń Qaýipsizdik keńesiniń inkliýzviti jáne prezentativti úkimet qurý, az ulttar men áielderdiń quqyn qurmetteý, basqa memleketterge qaýip tóndiretin toptardyń bolýyna jol bermeý, halyqaralyq zańnamany saqtaý týraly málimdemesin qoldaimyz. Bul erejelerdi oryndaý Aýǵanstannyń jańa úkimetimen jasalatyn kelissózderdiń bastaýy bolýy kerek», - degen ministrdiń orynbasary kóp jyldyq tájiribe aýǵanstandyqtarda beibit protses júrgizýdiń basqa balamasy joq ekenin kórsetkenin atady.
«Bul protseske balama joq. El azamattaryna eldiń memlekettik-qoǵamdyq qurylymyn áleýmettik-saiasi ahýalǵa qarai óz betimen tańdaý kerek bolyp tur. Qandai da bir elder Talibanmen diplomatiialyq qarym-qatynas ornatty deý - asyǵys. Qazir bári Talibannyń áreketteri ózderi jasaǵan málimdemege qanshalyqty sai bolady jáne bul taraptyń kelissózge qanshalyqty ikemdi ekenin baqylap otyr. Taliban qazir Kabýlda. Bul búgingi kúnniń shyndyǵy. Bizge osy shyndyqpen jumys istep, bul elmen ári qarai áriptestik júrgizýimiz kerek. Bailanys degenge kelsek, naqty deńgeide bailanysymyz bolǵan joq», - dedi Aqan Rahmetýllin.
Sondai-aq, ol Kabýldaǵy Qazaqstan elshiliginiń qazirgi ahýalyna toqtaldy.
«Elshiliktiń aqparaty boiynsha, talibandyqtar Kabýlǵa kirgen kezde bir bóligi bizdiń elshilik ornalasqan aýmaqty basyp alǵan. Bul kezde politsiia Kabýldy tastap shyqqan bolatyn. Kúzetshiler bolmaǵan. Bizdiń elshi syrtqa shyǵyp, taliban ókilderimen sóilesken. Olar elshiden kim ekenin suraǵan. Ol bul mekeme Qazaqstan Elshiligi ekenin aitqan.
«Eshteńeden qoryqpańyzdar. Buryn qalai jumys isteseńizder, solai jumys istei berińizder. Sizder bizdiń qorǵaýymyzda bolasyńdar», - degen eken. Sodan beri bizdiń elshilik solardyń kúzetinde. Ázirge bailanys osyndai deńgeide ǵana», - dedi Syrtqy ister ministriniń orynbasary.
