ورتالىق كوممۋنيكاتسييالار قىزمەتٸندە ٶتٸپ جاتقان بريفينگتە قر سىرتقى ٸستەر مينيسترٸنٸڭ ورىنباسارى اقان راحمەتۋللين تاليبانمەن ("تاليبان" قوزعالىسىنا قازاقستاندا سوت شەشٸمٸمەن تىيىم سالىنعان) اراداعى ديپلوماتييالىق بايلانىس تۋرالى پٸكٸر بٸلدٸردٸ, دەپ حابارلايدى "ۇلت اقپارات".
«تاليباندى بٸز مويىنداعان جوقپىز. كەشە سىرتقى ٸستەر مينيسترلٸگٸ اۋعانستانداعى احۋالعا بايلانىستى رەسمي مەلٸمدەمە جاساعانىن بٸلەسٸزدەر. وتاندىق اقپارات قۇرالدارىندا ول جارييالاندى. بٸز بۇل ەلدەگٸ احۋالدى مۇقييات باقىلاپ وتىرمىز. بۇۇ-نىڭ قاۋٸپسٸزدٸك كەڭەسٸنٸڭ ينكليۋزۆيتٸ جەنە پرەزەنتاتيۆتٸ ٷكٸمەت قۇرۋ, از ۇلتتار مەن ەيەلدەردٸڭ قۇقىن قۇرمەتتەۋ, باسقا مەملەكەتتەرگە قاۋٸپ تٶندٸرەتٸن توپتاردىڭ بولۋىنا جول بەرمەۋ, حالىقارالىق زاڭنامانى ساقتاۋ تۋرالى مەلٸمدەمەسٸن قولدايمىز. بۇل ەرەجەلەردٸ ورىنداۋ اۋعانستاننىڭ جاڭا ٷكٸمەتٸمەن جاسالاتىن كەلٸسسٶزدەردٸڭ باستاۋى بولۋى كەرەك», - دەگەن مينيستردٸڭ ورىنباسارى كٶپ جىلدىق تەجٸريبە اۋعانستاندىقتاردا بەيبٸت پروتسەس جٷرگٸزۋدٸڭ باسقا بالاماسى جوق ەكەنٸن كٶرسەتكەنٸن اتادى.
«بۇل پروتسەسكە بالاما جوق. ەل ازاماتتارىنا ەلدٸڭ مەملەكەتتٸك-قوعامدىق قۇرىلىمىن ەلەۋمەتتٸك-ساياسي احۋالعا قاراي ٶز بەتٸمەن تاڭداۋ كەرەك بولىپ تۇر. قانداي دا بٸر ەلدەر تاليبانمەن ديپلوماتييالىق قارىم-قاتىناس ورناتتى دەۋ - اسىعىس. قازٸر بەرٸ تاليباننىڭ ەرەكەتتەرٸ ٶزدەرٸ جاساعان مەلٸمدەمەگە قانشالىقتى ساي بولادى جەنە بۇل تاراپتىڭ كەلٸسسٶزگە قانشالىقتى يكەمدٸ ەكەنٸن باقىلاپ وتىر. تاليبان قازٸر كابۋلدا. بۇل بٷگٸنگٸ كٷننٸڭ شىندىعى. بٸزگە وسى شىندىقپەن جۇمىس ٸستەپ, بۇل ەلمەن ەرٸ قاراي ەرٸپتەستٸك جٷرگٸزۋٸمٸز كەرەك. بايلانىس دەگەنگە كەلسەك, ناقتى دەڭگەيدە بايلانىسىمىز بولعان جوق», - دەدٸ اقان راحمەتۋللين.
سونداي-اق, ول كابۋلداعى قازاقستان ەلشٸلٸگٸنٸڭ قازٸرگٸ احۋالىنا توقتالدى.
«ەلشٸلٸكتٸڭ اقپاراتى بويىنشا, تاليباندىقتار كابۋلعا كٸرگەن كەزدە بٸر بٶلٸگٸ بٸزدٸڭ ەلشٸلٸك ورنالاسقان اۋماقتى باسىپ العان. بۇل كەزدە پوليتسييا كابۋلدى تاستاپ شىققان بولاتىن. كٷزەتشٸلەر بولماعان. بٸزدٸڭ ەلشٸ سىرتقا شىعىپ, تاليبان ٶكٸلدەرٸمەن سٶيلەسكەن. ولار ەلشٸدەن كٸم ەكەنٸن سۇراعان. ول بۇل مەكەمە قازاقستان ەلشٸلٸگٸ ەكەنٸن ايتقان.
«ەشتەڭەدەن قورىقپاڭىزدار. بۇرىن قالاي جۇمىس ٸستەسەڭٸزدەر, سولاي جۇمىس ٸستەي بەرٸڭٸزدەر. سٸزدەر بٸزدٸڭ قورعاۋىمىزدا بولاسىڭدار», - دەگەن ەكەن. سودان بەرٸ بٸزدٸڭ ەلشٸلٸك سولاردىڭ كٷزەتٸندە. ەزٸرگە بايلانىس وسىنداي دەڭگەيدە عانا», - دەدٸ سىرتقى ٸستەر مينيسترٸنٸڭ ورىنباسارى.
