Taliban qozǵalysynyń ókili Zabibýlla Mýdjahid Aýǵanstannan evakýatsiialaý protsesi 31 tamyzǵa deiin aiaqtalýy tiis ekenin málimdedi. AQSh-pen jasalǵan kelisim boiynsha, atalǵan merzimge sheiin elden sońǵy amerikandyq sarbaz ketýi tiis, dep habarlaidy QazAqparat Anadoly agenttigine silteme jasap.
Kabýlda ótken baspasóz máslihatynda tálipter ókili bul merzim aýystyrylmaitynyn atap ótti.
Onyń aitýynsha, Aýǵanstandaǵy jaǵdai qalypqa kele jatyr, alaida Kabýl áýejaiyndaǵy alasapyran el úshin problema bolyp otyr.
Mýdjahid Kabýlda AQSh-tyń Ortalyq barlaý basqarmasynyń direktory Ýiliam Bernstiń Taliban qozǵalysynyń kóshbasshysynyń biri Mýlla Ábdýlǵani Biradermen kezdesýi jaiynda esh aqparatty bilmeitinin atap ótti.
