تاليبان قوزعالىسىنىڭ ٶكٸلٸ زابيبۋللا مۋدجاحيد اۋعانستاننان ەۆاكۋاتسييالاۋ پروتسەسٸ 31 تامىزعا دەيٸن اياقتالۋى تيٸس ەكەنٸن مەلٸمدەدٸ. اقش-پەن جاسالعان كەلٸسٸم بويىنشا, اتالعان مەرزٸمگە شەيٸن ەلدەن سوڭعى امەريكاندىق سارباز كەتۋٸ تيٸس, دەپ حابارلايدى قازاقپارات انادولى اگەنتتٸگٸنە سٸلتەمە جاساپ.
كابۋلدا ٶتكەن باسپاسٶز مەسليحاتىندا تەلٸپتەر ٶكٸلٸ بۇل مەرزٸم اۋىستىرىلمايتىنىن اتاپ ٶتتٸ.
ونىڭ ايتۋىنشا, اۋعانستانداعى جاعداي قالىپقا كەلە جاتىر, الايدا كابۋل ەۋەجايىنداعى الاساپىران ەل ٷشٸن پروبلەما بولىپ وتىر.
مۋدجاحيد كابۋلدا اقش-تىڭ ورتالىق بارلاۋ باسقارماسىنىڭ ديرەكتورى ۋيليام بەرنستٸڭ تاليبان قوزعالىسىنىڭ كٶشباسشىسىنىڭ بٸرٸ مۋللا ەبدۋلعاني بيرادەرمەن كەزدەسۋٸ جايىندا ەش اقپاراتتى بٸلمەيتٸنٸن اتاپ ٶتتٸ.
