«Qazaqstan temir joly» UK» AQ basshylyǵy Parlament Májilisiniń depýtaty Nurjan Áltaevtyń málimdemesine jaýap berdi, dep habarlaidy "Ult aqparat".
«Depýtattardyń usynysyna qatysty pikir bildirý quqyǵy bizde joq. Eger sot qaýlysy bolsa, álbette, kompaniia aryzǵa sáikes talapty oryndaidy. Bizdiń basshylyq buǵan qatysty buryn da tiisti jaýabyn bergen bolatyn», - dep habarlaidy QTJ-nyń baspasóz qyzmeti.
Aita keterligi, budan buryn Parlament Májilisiniń depýtaty Nurjan Áltaev «Talgo» poiyzyndaǵy zorlyqqa qatysty «Qazaqstan temir joly» kompaniiasyn jaýapqa tartýǵa shaqyratynyn ýáde etken bolatyn.
«Men zardap shekken boijetkenmen bailanysqa shyqtym. Sondai-aq, «Qazaqstan temir joly» kompaniiasyna qatysty azamattyq aryz berýde zańgerlik kómek berýdi usyndym. Eger boijetken kelisse, biz oǵan úzdik advokattardy jaldaimyz. «Qazaqstan temir joly» bul qylmystyń zardap shegýshisiniń aldynda úlken, ásirese qarjylyq jaýapkershilikke ie. Sondyqtan, barlyq, tipti moraldyq shyǵyndy da óterliktei etemiz», - degen edi Nurjan Áltaev elordada ótken dóńgelek ústelde.
Eske salsaq, ǵylymi konferentsiiadan qaityp kele jatqan boijetkendi «Talgo» poiyzynda zorlady degen kúdik boiynsha eki jolserikke qatysty qylmystyq is sotqa túsken.
Keiin bul oqiǵa boiynsha «Jolaýshylar tasymaly» AQ túsinik berdi.
26 shilde kúni Qostanaida «Tulpar-Talgo» poiyzynda aqtóbelik boijetkendi zorlaǵan eki jolserikke úkim oqyldy.
