«قازاقستان تەمٸر جولى» ۇك» اق باسشىلىعى پارلامەنت مەجٸلٸسٸنٸڭ دەپۋتاتى نۇرجان ەلتاەۆتىڭ مەلٸمدەمەسٸنە جاۋاپ بەردٸ, دەپ حابارلايدى "ۇلت اقپارات".
«دەپۋتاتتاردىڭ ۇسىنىسىنا قاتىستى پٸكٸر بٸلدٸرۋ قۇقىعى بٸزدە جوق. ەگەر سوت قاۋلىسى بولسا, ەلبەتتە, كومپانييا ارىزعا سەيكەس تالاپتى ورىندايدى. بٸزدٸڭ باسشىلىق بۇعان قاتىستى بۇرىن دا تيٸستٸ جاۋابىن بەرگەن بولاتىن», - دەپ حابارلايدى قتج-نىڭ باسپاسٶز قىزمەتٸ.
ايتا كەتەرلٸگٸ, بۇدان بۇرىن پارلامەنت مەجٸلٸسٸنٸڭ دەپۋتاتى نۇرجان ەلتاەۆ «تالگو» پويىزىنداعى زورلىققا قاتىستى «قازاقستان تەمٸر جولى» كومپانيياسىن جاۋاپقا تارتۋعا شاقىراتىنىن ۋەدە ەتكەن بولاتىن.
«مەن زارداپ شەككەن بويجەتكەنمەن بايلانىسقا شىقتىم. سونداي-اق, «قازاقستان تەمٸر جولى» كومپانيياسىنا قاتىستى ازاماتتىق ارىز بەرۋدە زاڭگەرلٸك كٶمەك بەرۋدٸ ۇسىندىم. ەگەر بويجەتكەن كەلٸسسە, بٸز وعان ٷزدٸك ادۆوكاتتاردى جالدايمىز. «قازاقستان تەمٸر جولى» بۇل قىلمىستىڭ زارداپ شەگۋشٸسٸنٸڭ الدىندا ٷلكەن, ەسٸرەسە قارجىلىق جاۋاپكەرشٸلٸككە يە. سوندىقتان, بارلىق, تٸپتٸ مورالدىق شىعىندى دا ٶتەرلٸكتەي ەتەمٸز», - دەگەن ەدٸ نۇرجان ەلتاەۆ ەلوردادا ٶتكەن دٶڭگەلەك ٷستەلدە.
ەسكە سالساق, عىلىمي كونفەرەنتسييادان قايتىپ كەلە جاتقان بويجەتكەندٸ «تالگو» پويىزىندا زورلادى دەگەن كٷدٸك بويىنشا ەكٸ جولسەرٸككە قاتىستى قىلمىستىق ٸس سوتقا تٷسكەن.
كەيٸن بۇل وقيعا بويىنشا «جولاۋشىلار تاسىمالى» اق تٷسٸنٸك بەردٸ.
26 شٸلدە كٷنٸ قوستانايدا «تۇلپار-تالگو» پويىزىندا اقتٶبەلٸك بويجەتكەندٸ زورلاعان ەكٸ جولسەرٸككە ٷكٸم وقىلدى.
