Politsiia Ridderdegi órtke qatysty kúdiktini ustady. Bul týraly Tótenshe jaǵdailar ministrliginiń resmi ókili Talǵat Ýáli málimdedi, dep habarlaidy "Ult aqparat".
«Bul másele TJM quzyryna kirmeidi. Bizdiń bilýimizshe, Ishki ister ministrligi bir adamdy ustaǵan. Aldyn ala málimet boiynsha dalada ot jaqqan. Tolyq aqparatty Ishki ister ministrliginen bile alasyzdar»– dedi Talǵat Ýáli BAQ ókilderine.
Eske salsaq, keshe Ridderde aýqymdy órt bolyp saldarynan eki adam aýrýhanaǵa túsip, 73 jastaǵy áiel adam kóz jumdy. Sońǵy derek boiynsha 283 gektar aýmaq otqa oranǵan.
Prezident Qasym-Jomart Toqaev Ridderdegi turǵyn úilerdi qamtyǵan iri orman órtine nazar aýdaryp, jaýapty oryndarǵa zardap shekkenderge der kezinde kómek kórsetý týraly tapsyrma berdi.
