Tanymal teatr rejisseri, akter, Q.Qýanyshbaev atyndaǵy memlekettik akademiialyq mýzyka-drama teatrynyń kórkemdik jetekshisi Talǵat Temenov «Dostastyq juldyzy» atty memleketaralyq syilyqtyń laýreaty atandy, dep habarlaidy "Ult aqparat".
«TMD-ǵa qatysýshy memleketterdiń gýmanitarlyq yntymaqtastyq memlekettik qory sizge óziniń qurmetin bildire otyryp, myna jaitty habarlaýdy mártebe sanaidy. «Dostastyq juldyzy «memleketaralyq syilyǵyn berý jónindegi keńestiń sheshimine sáikes, siz 2019 jyly syilyq laýreaty ataǵyna laiyqty dep tanyldyńyz. Osynaý ataýly oqiǵamen shynaiy quttyqtaýymyzdy qabyl alyńyz. Bul syilyqtyń berilýi Táýelsiz Memleketter Dostastyǵy elderiniń sizdiń jasampaz eńbegińizge jáne mádeniet pen óner salasyndaǵy jetistikterińizge joǵary baǵa beretindigin dáleldeidi», - delingen resmi quttyqtaýda.
Talǵat Temenov mundai erekshe nagrada jekelegen jumysyna emes, jalpy shyǵarmashylyq áleýeti men jetistikterine, eń aldymen adamgershiligine berilip otyrǵandyǵyn aitady.
«Búgin maǵan qońyraý shalyp, osyndai jańalyqty habarlady. Árine, tań qaldym, qobaljydym. Bul meniń ǵana qýanyshym emes, búkil Qazaqstan úshin jetistik. Shetelde qazaqtyń kino ónerin, qazaqtyń teatr ónerin tanytyp júrgenimen qýanyshtymyz. Bul meni shynymen de qýantady», - dedi sezimimen bólisken «Dostastyq juldyzy» memleketaralyq syilyǵynyń laýrety.
Aita keteiik, TMD keńistigindegi mádeniet pen mádeni mura salasyndaǵy yntymaqtastyqty damytýǵa septigin tigizetin airyqsha mańyzy bar shyǵarmashylyq jumystar men týyndy jasaǵandarǵa mádeniet pen ónerge iri úles qosqandary úshin beriletin «Dostastyq juldyzy «memleketaralyq syilyǵyn buǵan deiin kompozitor Evgenii Doga, akter Oleg Tabakov, al ǵylym men bilim salasynda filologiia ǵylymdarynyń doktory, professor Seiit Qasqabasov alǵan bolatyn.
Temenov Talǵat Dosymǵaliuly – kinorejisser, kinodramatýrg, Qazaqstannyń halyq ártisi. Almaty memlekettik konservatoriiasynyń teatr bólimin jáne Máskeýdegi burynǵy KSRO Memlekettik kino janyndaǵy joǵary rejisserler men stsenariishiler kýrsyn S.A. Solovevtiń sheberhanasy boiynsha bitirgen.
«Adamdar arasyndaǵy bóltirik», «Mahabbat beketi», «Qyzǵysh qus», «Shańyraq» atty kórkemfilmderdiń rejisseri. «Gúlnáz», «Oi jasyn» povesteri men áńgimeleriniń avtory. Ol ár jyldary T.Júrgenov atyndaǵy Qazaq ulttyq óner akademiiasynyń rektory, Sh.Aimanov atyndaǵy «Qazaqfilm» kinostýdiiasynyń kórkemdik jetekshisi, Ǵ.Músirepov atyndaǵy Qazaq memlekettik akademiialyq jastar teatrynyń direktory bolǵan.
